馬國明係備胎?TVB小花戀情畀公開,男方豪擲千萬同居試婚

呢排由於《白色強人》嘅收視高升,馬國明唐詩詠呢對螢幕情侶零舍矚目,唔少網民更不斷叫佢哋假戲真做,眼睇角色咁成功,唐詩詠情不自禁喺宣傳活動上向馬國明大放甜蜜,明示對方快啲約自己,讓唔少粉絲好興奮。

不過,原來只為製造煙幕,實情同升學顧問男友陳思銘拍拖一年打得火熱。

呢排就有傳媒影到唐詩詠同男友陳思銘煙韌拍拖買餸,之後一齊返男友屯門寓所,玩煮飯仔撐枱腳、直落度春宵。

據悉,佢哋兩個人一早就見過家長,唐詩詠更融入男友家庭,但之前因為忙住拍劇,陳思銘畀拍到揸車接送貌似年輕女伴上落班,期間舉動仲好曖昧,讓唐詩詠警鈴大作,唔敢掉以輕心。

所以呢段時間以嚟,唐詩詠就算開工到好晏,都會同陳思銘煲電話粥,以此嚟監督男友。

除此之外,佢就喺好姊妹黃翠如嘅掩護下,去睇咗北角豪宅新樓盤,當時外界都以為黃翠如想要同蕭正楠換換新屋,點知其實系唐詩詠嘅主意。

果然睇樓之後冇幾耐,陳思銘就以2300萬購入咗其中一套800尺嘅單位,睇嚟唐詩詠今次戀情有好大機率可以開花結果。

有鑒咁多年嚟嘅情路坎坷,每次高調公布戀情後都失敗收科,吸取教訓後嘅唐詩詠對拍拖話題顯然變得好低調,就算曾經被傳媒拍到拍拖嘅相都一律否認,堅稱自己仲單身。

而唐詩詠自從憑《不懂撒嬌的女人》奪得最佳女主角之後,事業發展扶搖直上,宜家對佢嚟講,組建一個完滿嘅家庭先系重中之重,所以祝福佢可以早日完成心愿,笑到最後!

發表回覆

你的電郵地址並不會被公開。 必要欄位標記為 *