今年嘅TVB頒獎禮，競爭最為激烈嘅當屬最佳女主角，三足鼎立嘅黃智雯、李佳芯、陳煒由年頭斗到年尾，各自大顯神通！
臨近頒獎禮，黃智雯手握新馬雙料視后＋民選視后，贏面可謂最大。然而借鑒舊年頒獎禮嘅賽果，呢啲前哨戰似乎已經不具參考價值！加埋黃智雯臨時畀抽調到韓國拍攝綜藝，等于將佢登頂三料視后嘅成算又降低咗幾分！
不過就今晚嘅紅毯嚟睇，黃智雯無論系造型還系氣勢，都力壓眾人一籌，唔知可唔可以打破宿命嘅魔咒，一洗“倉底劇女王”嘅霉運？
同樣畀視為大熱之選嘅李佳芯，原本佛系參戰，總系相當淡然嘅表示支持對手，不過自從攞咗雅虎電視女角色一獎之后，佢就突然間狀態大勇，積極參與到拉票中嚟，甚至重采訪中表示“恨攞視后，希望憑演技得到公司同觀眾嘅認同。” 
相較而言，以“太平公主”大爆嘅陳煒喺前哨戰中幾乎無所獲，唔單止冇爭贏海外視后，就連雅虎嘅搜尋量都不及其他！好在圈中友人都紛紛力挺，讓佢有獎嘅信心都空前高漲！
今日錫士出席頒獎禮嘅佢，讓人眼前一亮，寶藍色嘅低胸禮服，襯得佢愈發高貴有氣質，同知性優雅嘅李佳芯，堪稱紅毯上嘅兩道靚麗風景，唔知邊個可以獨攬大獎呢？
至於視帝方面，憑借《跳躍生命線》而勇奪民選視帝嘅馬德鐘畀看高一籌，即管有《大帥哥》張衛健夾擊，仍得到咗雙料視帝袁偉豪嘅支持，加埋近段時間，從TVB臺慶、頒獎禮提名記者會到盆菜宴，馬sir無一缺席，雖然嘴上面講唔爭，但實際行動卻令人了然。
想當年佢都曾因《鳳凰四重奏》成為大熱，可惜敗給咗鄭嘉穎主演嘅《天幕下的戀人》，今年卷土重來，希望佢有好運！
跟住落嚟就緊張刺激嘅頒獎禮時間！
大幕拉開，首先由陸浩明帶住頒獎禮名單奔馳喺電視城內，然后穿梭一眾藝人揾到企喺主持臺嘅鄭裕玲！51周年嘅頒獎禮睇落星光熠熠，一種小生花旦逐一現身，令人有種欣慰嘅感覺！
首先頒發嘅系萬千星輝演藝人大獎，由經常送畀大家歡笑嘅薛家燕獲得，佢喺臺上有感而發，因為曾經嘅婚姻不幸，讓佢一度生活困難，如果唔系TVB收留，讓佢有機會拍戲，佢都唔會有一個溫暖的家。 
跟住視后大熱之一嘅陳煒連同姜皓文頒發《飛躍進步男女藝人》，呢啲都系繼舊年，煒哥再一次為呢個獎做頒獎嘉賓，期間姜皓文更打趣佢，咪羨慕人哋攞飛躍進步，直接攞視后更加好過啦！攪到陳煒笑口吟吟嘅斥責佢好大膽！ 
而得獎者何廣沛喺misshk意料之中，反而系《女飛躍》馮盈盈有啲出乎人意料，話曬今年張曦雯嘅飛升之勢有目共睹，原本以為作為華姐冠軍嘅佢可以榮獲殊榮，諗唔到就畀港姐冠軍捷足先登！
而今晚嘅頒獎節奏都著實好快，接踵而來嘅就系《最佳女配角》，開獎前，作為頒獎嘉賓嘅陳山聰相當夠膽嘅調侃咗一番張振朗，內里因由大家應該可以估到吖？這時鏡頭都相當配合嘅掃到咗胡定欣，可惜呢個表情有啲emmm……
不過呢段小插曲唔阻眾人為大小姐林淑敏喝彩！
從舊年開始，佢就成為女配角大熱，雖然錯失咗一次，今年終于實至名歸贏咗返嚟！
而男配角就由梁烈唯再度奪得！ 
唔知幾時起，頒獎嘉賓循環再用變咗TVB嘅拿手好戲，唔啱攞咗《飛躍進步男藝人》嘅何廣沛就率領F4再次登臺頒發《最受歡迎電視歌曲》，呢個獎原本系胡定欣喺賽前搏命拉票嘅一個，然而可能真系火候未到啦！ 
近年嚟TVB演員流失嚴重，以致于好多老戲骨要連軸轉，對于佢哋呢份付出，無線都喺今年重新啟動咗《專業演員大獎》，對于甘草演員嚟講，絕對系一個最好嘅回報！而有獎嘅三位藝人：奶奶專業戶盧婉茵、與Terry越難越愛嘅歐瑞偉，仲有以一個表情包打開內地市場嘅鄭子誠，都系有口皆碑嘅實力派！ 
最令人驚喜嘅莫過於再次獲得《最受歡迎電視拍檔》嘅蕭正楠，呢段時間，一直對結婚不予回應嘅佢，終于喺今晚正式對外宣布黃翠如系自己嘅太太啦，呢段浪漫嘅求婚堪比王祖藍李亞男！恭喜翠如心想事成吖！ 
重有一個意外就系今年冇拍劇嘅田蕊妮，雖然連續三年都沒能攞任何獎，但臨近年尾都憑借綜藝《女人四十》攞咗最佳節目主持，睇嚟做戲得，主持更得！期待阿田出年嘅新劇！加油啊！ 
然而呢都比唔上《最受歡迎男角色》離刺激更大！唔知系咪舊年冇順應民意將視帝頒給馬國明，所以已經攞過兩次《最受歡迎男角色》嘅佢居然連莊，呢一波操作令一向天然呆嘅馬國明再次呆，呢個經典表情應該已經系年年嘅必備節目啦！ 
頒完歡喜角色，男主角獎就呼之欲出，今年《跳躍生命線》以本地收視第一嘅位置備受香港觀眾歡迎，而馬德鐘都率先奪得咗民選視帝，為咗重蹈覆轍，今年TVB都順應民意將最佳男主角頒給咗馬sir，絕對實至名歸！ 
最后激動人心嘅時刻就要到啦，陳煒憑借太平公主榮獲《最受歡迎女角色》，呢啲都系佢簽約TVB六年里面，第一次攞到大獎，真系恭喜啊！雖然痛失視后，但相比較食白果嘅黃智雯嚟講，顯然仲系好彩呀！ 
而李佳芯之所以能夠順利奪得視后，不特源自于佢超強嘅觀眾緣，更加系對佢這些年突破性進步嘅嘉許！總言之，呢應該系爭議最細嘅一次頒獎禮，唔知你哋對于各類獎系咪滿意呢？ 
下麵附上完整版獲獎名單！↓↓↓
飛躍進步男藝人：何廣沛
飛躍進步女藝人：馮盈盈
最受歡迎電視女角色：陳煒
最受歡迎電視男角色：馬國明
最受歡迎電視拍檔：蕭正楠曹永廉
最佳非戲劇節目：嫁到這世界邊端2、美女廚房、森美旅行團、後生仔傾嚇嘅、周遊東京
最佳節目主持：田蕊妮
專業演員大獎：盧婉茵歐瑞偉鄭子誠
最受歡迎劇集歌曲：Hana《但願人長久》
最喜愛劇集（新加坡馬來西亞）：三個女人一個因
最佳劇集：跳躍生命線
萬千星輝演藝人大獎：薛家燕
TVB最佳男配角：梁烈唯
TVB最佳女配角：林淑敏
TVB最佳男主角：馬德鐘
TVB最佳女主角：李佳芯
Like MisshkNews Facebook！不出门也能知天下事～
