通宵拍劇慘遭途人嘲諷!馬國明闊佬懶理:520現身社交平臺獲激贊

TVB「民間視帝」馬國明,不嬲畀公認系娛樂圈中嘅「筍盤」,雖然較早時經歷被女友黃心穎背叛嘅男人最痛,但痛定思痛之後仍然繼續堅強工作,令唔少網民都心酸同激贊佢專業!

雖然馬國明與黃心穎嘅感情現況外人不得而知,但喺「520」呢個甜蜜日子,馬國明仍然可愛現身社交平臺,佢曬出一張自己開工拍劇時嘅自拍照,睇落精神唔錯心情都好好。

佢仲留言向大家「示愛」:「知道好耐冇更新喇,祝大家520快樂!」馬上就惹來大批粉絲點贊,有網民更留言鼓勵男神要堅強,大贊馬國明真係放得低傷痛,紛紛表示期待「筍盤」再次上市!

據悉,上個月畀傳媒揭發嘅「安心偷食」單嘢震驚全城,馬國明與黃心穎拍拖三年,一直頻傳好事近,冇諗到最後就換來女友嘅背叛,令戀情陷入危機。

雖然女友形象跌落谷底,星途盡毀仲遭受千夫所指,但身為受害者嘅馬國明,仍然企出嚟為女友講好話,網民話佢已經由「筍盤」升呢成為「絕世好男人」。

不過,傳媒消息爆出,呢排馬國明通宵現身太子道,為心急《降魔的2.0》拍戲嘅時候,期間遇到「口臭途人」高聲嘲笑:「系咪喺到拍《降魔綠的》?」

據悉當時由於夜深人靜,加埋呢個「口臭途人」聲大大,所以相信喺現場嘅馬國明同其他演員、工作人員都聽到。

縱使飽受男人之痛,但一向EQ嘅高馬國明當聽唔到,對「口臭途人」嘲諷置之不理,表現得大方得體,并一如既往專注拍劇,好專業!

而劇組其他人,亦好力撐馬國明,同樣對「口臭途人」挑釁不予理會,給予馬國明最大嘅無聲支持。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *