12年前因一部劇畀TVB棄用,而家終憑實力擊敗胡定欣上位成女主角

由胡杏兒一手創立嘅胡說八道會,想當初都系平平無奇嘅一個小團體,但隨著五花解體,胡定欣二封視后,黃智雯、李施嬅、姚子羚嘅企穩腳踭,而家儼然成為咗TVB后備花旦嘅生力軍。而呢三位花旦中,姚子羚一路走來又最為艱辛!

想當年首次擔正《鐵血保鏢》嘅佢,因為外形原因加埋喊戲唔過關,更加系負評如潮。

因為冇打響頭炮,加埋嗰陣嘅TVB人才濟濟,姚子羚就遭到棄用,重新開始咗配角生涯。

於是之后嘅幾年里面,姚子羚唔系飾演妹妹就系丫鬟閨蜜呢類可有可無嘅角色,按道理從主角到配角嘅落差之大,好多人忍受唔到,然而生性樂觀嘅姚子羚卻堅持咗落嚟。

正系呢份默默付出嘅執著,令唔少監制對其改觀。所以2011年,佢有緣再次出演李添勝監制嘅《我的如意狼君》,并憑借高爾喬呢個頗具挑戰性嘅角色,成功扭轉觀眾對佢印象。

5年時間唔算長,但演技嘅進步就讓姚子羚打好根基,加埋不斷與鄭則士、黎耀祥呢類演技派嘅對戲,更讓佢獲益匪淺!

不驕不躁,踏實勤力,一步一步由備受爭議嘅演技新人到觀眾贊賞,TVB自然睇得到姚子羚嘅進步,2015年憑住《張保仔》中出色表演,佢攞落咗馬來西亞女配角同TVB最佳女配角兩個獎,呢都預示住TVB即將捧其上位。

可惜嘅就喺佢接拍臺慶劇《幕后玩家》嘅時候,卻意外畀狗咬傷,以致于不得不辭演該劇,停工休息。原本事情發生后,唔少人表示惋惜,認為姚子羚又將錯過時機畀人遺忘。

然而,機會總系留給有準備嘅人,2016年首次以打女形象現身《同盟》嘅佢英姿颯爽,拍起拖嚟卻惹人憐愛,呢段與陳山聰恍若“羅密歐與朱麗葉”般嘅愛情,簡直將胡定欣陳展鵬嘅風頭都蓋咗落去!

入行16年,而家嘅姚子羚顯然愈戰愈勇,即使面對視后胡定欣都不遑多讓,年初啱啱喺《包青天》中首次壓過咗好姊妹,與譚俊彥飾演嘅包拯喜結連理。

12月又將攜手《同盟》劇組拍新劇《曼谷唐人街》,而原本同監制合作無間嘅胡定欣則突然間唔畀啟用,由姚子羚頂上。

接連兩部大制作都力壓視后,姚子羚嘅上位快狠準,據悉王心慰即將開拍嘅《黃金有罪》都欽定佢做女主,劇接劇拍唔停嘅姚子羚,綜藝方面嘅資源都不容小覷。

趁住暑假,姚子羚先系擔任咗《搭上高鐵愛旅游》嘅嘉賓,又與李施嬅、胡蓓蔚、陳自瑤完成咗姊妹淘嘅一檔綜藝,而家重將同蕭正楠、曹永廉一齊為新節目蓄勢待發!

忙忙碌碌嘅2018年,對于姚子羚嚟講唔系一個新開始,更加系去通往視后嘅一段必經之路!

Like MisshkNews Facebook!不出门也能知天下事~

發佈回覆

你的電郵地址並不會被公開。