14歲揾錢維持生計,身世坎坷欠債財困,捱足33年終于苦盡甘來!

今年53歲花名黑仔嘅姜皓文出身亞視,入行33年由茄哩啡做到配角王,再做到今時今日男主角位置,甚至今年榮獲金像獎提名影帝,一切得來不易。

近年幾乎套套港產片都有姜皓文嘅身影,最近播出嘅《鐵探》佢亦有份參演,首次為TVB拍劇嘅黑仔,劇中演技大爆發。

尤其以于監獄中Bingo(姜皓文飾)與患有腦退化症嘅嫻姐(盧宛茵飾)相認一幕最為深刻,亦感動唔少觀眾。

由電視圈跳到去電影圈,再由電影圈首拍TVB電視劇,鍛煉多年演技當然無可置疑,唔怪得黑仔都畀網民大贊該幕對手戲好好戲,令人催淚!

而且,有網民指黑仔嘅內心戲、感情戲比同劇演員,甚至同樣飾演過警隊臥底嘅謝天華更動人!

面對網民贊賞,黑仔謙虛澄清《鐵探》嘅Bingo與《潛行狙擊》嘅Laughing哥系兩個唔同嘅臥底角色。

并解釋獄中相認一幕之所以咁入戲,原來系諗起過往與奶奶相處嘅畫面,皆因婆婆都同樣患有腦退化症,曾經試過食飯嗰陣突然間唔認得黑仔。

黑仔嘅童年時期過得不如意,佢一出世后冇幾耐老竇就拋棄家庭,唯有同阿媽同弟妹生活。后來,阿媽患病,無奈之下惟有將弟妹都送去兒童院,減輕負擔。

14歲嗰陣,阿媽過身,黑仔被送去由香港學生輔助會營運、位于觀塘嘅兒童宿舍,開始自己照顧自己嘅生活。

雖然咁樣,黑仔宜家正面面對生活,初中時佢同宿友到酒樓賣點心、做裝修、表演雜技,靠自己揾錢維持生計。

之後,因為當時女朋友喺特約演員公司度做嘢,因緣際會下成為咗人人口中嘅「茄哩啡」。

更膽粗粗參加亞視第一屆香港電視先生選舉,奪得亞軍兼誤打誤撞加入亞視,正式入行!

1986年《第1屆電視先生選舉》

當時未有人氣嘅黑仔,曾經被認錯系莫少聰,而且出鏡機會極少,打開銀包得幾蚊,夠膽講話系窮到燶。試過畀包租婆追屋租,鎖門,畀稅局追交稅等。財困情況下,黑仔最后用所剩嘅錢買六合彩,博中獎有錢交租,最后冇中獎嘅佢,好彩有朋友愿意借錢卑佢,先令佢捱過呢段黑暗日子!

人生浮沉,黑仔反自嘲自己只得沉,好彩最終佢亦捱到出頭天,片約不斷,而近年黑仔最爆嘅角色,相信系電影《翠絲》中飾演變性人,黑仔透露:「拍《翠絲》嗰陣情緒好波動!個個都成日催我睇醫生,真系好難抽離!」

反觀《鐵探》,黑仔同惠英紅拍劇都好有壓力,「話曬影后,好彩紅姐好人啫,紅姐真系好到不得了,佢真系超級偉大,拍之前佢會幫你暖場,等你對住佢唔會好大壓力,我依家發覺原來惠英紅系一個小妹妹嚟,佢真系少女到不得了,同我講嚇食嘢、買嘢、喼弗,真系好開心嘅!」

雖然人生經歷唔少低潮,但而家回頭睇一睇,或者一切皆系個天畀姜皓文嘅考驗。

2018年金像獎,姜皓文憑《拆彈專家》獲得最佳男配角。

人生崎嶇不平,亦正因如此,一切嘅經歷更有助佢代入角色演戲!

發表回覆

你的電郵地址並不會被公開。 必要欄位標記為 *