24歲TVB力捧小花傳與電競男友同居 例牌否認澄清:我家教好嚴

TVB嘅臺慶劇《兄弟》正在熱播,有份主演嘅江嘉敏因為同視帝王浩信喺劇中有感情線發展,就喺拍攝期間,更與拍檔傳出緋聞,江嘉敏為咗避嫌,甚至試過未有理對方兩日,好彩有好姊妹劉穎鏇出手先化解尷尬。

江嘉敏就話:“我拍劇經驗唔多,傳緋聞系第一次,真系唔識得點去處理,當我哋喺英國拍劇,初時我有啲尷尬,我怕大家一齊講劇本,會畀人繼續寫,我有兩日冇理過佢。”

佢話:“不過監制同Tiffany(劉穎鏇)覺得我唔可以因為緋聞而影響表現,咁樣好唔專業,系Tiffany拖住我過去同浩信打招呼打破隔閡,我覺得佢講得好啱,如果因為咁小事而影響自己表現同團隊,對大家好唔公平。”

不過而家江嘉敏都公開認愛電競男友,但日前佢出席商場活動嘅時候,就有消息指佢已經搬到男友屋企附近,準備同居,對此,江嘉敏則無奈否認話:“我唔系搬,只系之前臺風‘山竹’搞返屋企水浸,好多家私都浸爛嘞。屋企需要輕微裝修,所以我就將家私都搬走。”

對此佢仲講:“唔系搬咗去男友屋企暫住,如果要返工,我就去朋友屋企住,唔使返工就喺阿媽度,朋友屋企唔算好近男友屋企,只系同區,冇咁快同居,女仔要有D矜持,我屋企家教好嚴,畀阿媽知會要我跪玻璃。”

江嘉敏自從大方認愛以來提起男友都系滿臉嘅幸福,而佢仲大贊男友有耐性,不過好似兩人交往嘅時間唔長,至於系咪已經見咗家長嘅時候,江嘉敏就表示唔會咁快,佢話:“媽咪對我同男友嘅新聞冇乜反應,冇話主動要見,佢唔心急,穩定啲先,家教好嚴,唔會成日換畫。冇因為同居嘅新聞唔開心,我就少睇新聞,唔會深究。”

踏入12月份后,圣誕節嘅氣氛可謂系越嚟越濃厚,好似身邊朋友都喺討論圣誕節嘅慶祝方式,而劇接劇嘅江嘉敏就表示圣誕節要喺拍劇中度過,問到男友會否探班時,佢就甜笑話:”睇佢有無時間,我唔知佢使唔使返工,驚喜啲去問佢啦,哈哈!”

唔理點,期待江嘉敏喺《兄弟》中嘅精彩演出,同時都希望江嘉敏可以繼續畀我哋帶嚟多啲更精彩嘅作品,加油!

Like MisshkNews Facebook!不出门也能知天下事~

發表回覆

你的電郵地址並不會被公開。