30歲新婚TVB小生坦言暫時無造人計劃:等成長多啲再要寶寶

圣誕節將至,唔少藝人都趁此機會接活動賺賺外快,而新婚冇幾耐嘅“木偶哥”林師杰今日喺出席活動時就表示,因為要去同港姐太太歐陽巧瑩去兩次蜜月,所以要努力賺錢。佢就透露話:“之前就已經去咗馬爾代夫,1月會流浪歐洲。”

早喺佢哋兩公婆到馬爾代夫度蜜月,仲曬出喺自家泳池嘅全-裸相,露出白滑屁股,引起咗唔少網民嘅熱議。對此,林師杰就笑說:”差唔多全年都冇曬過太陽,所以好白滑,其實嗰刻真心感動,有個人同我咁坦蕩蕩去面對所有人生問題。”

至於全-裸會否擔心太太走光,佢連隨話:“果時冇諗咁樣嘢,反而上載咗之后,我又卻步,我會想呢個世界可能會有人睇我嘅,不過又想我哋只系想同大家分享我哋嘅喜悅,愛情可以好簡單。”

其實林師杰同歐陽巧瑩喺2015年嗰陣就大方認愛公布戀情,一直甜蜜示人嘅佢哋,終于喺今年嘅11月份修成正果,舉行婚禮正式成為夫妻,組建新家庭,走上咗人生嘅新階段。

喺活動中,林師杰就透露喺即將來臨嘅新一年將會有唔少嘅大計:“我覺得香港好缺乏溝通,我好似借住部車去做一個節目,講點將夢想變成現實,透過好多唔同嘅人,尤其系嗰啲成功男士去講返點將夢想變成現實。”

藝人結婚之后,無論喺咩場合都會畀人催問“造人大計”,較早時林師杰夫婦都曾表示有共識唔會咁快要小朋友,今次活動上林師杰都肯定嘅答話:“我覺得冇話準備好生寶寶,我哋傾過想畀大家一啲空間,大家再成長多啲再要小朋友。”

Like MisshkNews Facebook!不出门也能知天下事~

發佈回覆

你的電郵地址並不會被公開。