34E港姐正式宣佈「封盤」,撻著三億闊少豪車接送

前港姐胡美貽憑住34E豐滿身材成為新一代「TVB宅男女神」,單身嘅佢呢排終于宣佈「封盤」,同現年28歲、做餐飲、金融同外國地產生意Reeve拍拖大半年。

據悉,Reeve家族投資有道,最近先以3.3億出售旺角單幢物業,名副其實大富人家,而Reeve亦同唔少圈中人熟絡,其社交平台有同伍樂怡一齊滑雪、王灝兒同男友嘅飯聚相,又經常大曬名車。

呢排,記者影到胡美貽熱戀中嘅二人現身九龍某商場,期間撞到熟人,佢哋即停低吹咗一陣水,之後佢哋就拖住手到咖啡店,一人一杯坐低慢慢飲。

眼見男友雞啄唔斷噉講,胡美貽都有細心聆聽,仲不時向Reeve甜笑,之後Reeve就搭住胡美貽離開,繼而展開Shopping大計。

但好似未有合心水,胡美貽之後再轉去其他名店揀黑超,不過仲係空手而回,最後雙雙到停車場攞車,Reeve駕駛住價值200幾萬名車離開。

事後記者致電恭喜胡美貽拍拖,佢笑住話:「發展中囖,希望留多啲私人空間,佢嘅背景就再多講,但依家係開心嘅,多謝關心。」,

Like MisshkNews Facebook!不出门也能知天下事~

發佈回覆

你的電郵地址並不會被公開。