36歲前港姐生完第三胎勁減10磅,真系超幸福

現年36歲嘅前港姐陳倩揚,今日現身出席為基層醫療中心開幕禮,以一身穿螢光粉紅色連身裙打扮亮相嘅佢,為活動擔任司儀工作,企喺臺上顯得零舍搶眼。

啱啱誕下第三胎女嘅陳倩揚,受訪時興奮透露,自己收身成功已經減去咗10磅。佢開心回答:「呢條裙著過好多次,生細女之前著過,今次專登攞出嚟試,居然著得落?!(有松位?)對比起之前都可以再努力啲啦,仲可以再減多8磅。」

佢又謂:「而家唔可以食得好少,豁達啲想啦,人生就呢幾個月系唔可以對自己要求好高,以前專登太瘦,但而家身體健康最緊要,身為3個小朋友媽咪唔使太骨感,老公見到我有啲肉感都講OK。」

問到諗住喂人奶到幾時?陳倩揚就表示會一直喂到B女唔食先,佢又透露,大仔當時食人奶遲咗大半年,而細仔就食咗一年幾,睇嚟「人奶之路」仍然漫長。

之后,陳倩揚又坦言,由于自己目前仍然系喂食人奶階段,所以唔適合節食,要有足夠營養提供優質人奶畀B女,認真偉大媽咪!

傾到現時要照顧3個小朋友,時間唔夠用,陳倩揚就笑謂,今日出席活動時向老公請咗兩個鐘頭假,由老公系屋企先幫手照顧小朋友。

佢繼續講:「啱啱大仔而家去參加興趣班,老公都可以一對二。(佢可以一對三?)我自己就試過,好開心呢個畫面終于出現,令自己更加有動力去做野。(會唔會等個女長大之后為佢打扮?)而家我都有幫佢扎辮仔,母女裝就差唔多可以買,但我盡量都會將所有嘢用到盡,減少無謂嘅浪費。」

1983年出世陳倩揚,早年畢業于香港中文大學日本研究學系,佢曾經系2008年香港小姐競選嘅亞軍得主。

當年獲選港姐之后,次年佢又以代表身分再戰國際中華小姐競選,并同樣喺大賽中殺入前三甲,奪得總亞軍獎項。之后,佢就順簽約TVB旗下,正式出道發展。

入行同年,陳倩揚被選為《東張西望》節目嘅主持人,令佢人氣同知名度急升。

次年,佢開始接拍電視劇,到而家參演超過10部劇集,包括《女人俱樂部》、《我們的天》、《使徒行者》、《八卦神探》、《四個女仔三個BAR》、《完美叛侶》以及《與諜同謀》等。

2010年,陳倩揚于拍拖八年嘅男友陳浩然正式結婚,并于次年為老公誕下第一胎大仔Auryn。2015年1月,再順產誕下二仔Audrick。

同年12月30號,佢為《東張西望》主持完全年最后一集節目之后,于次年正式宣布約滿離巢。

上年7月,陳倩揚再誕下第三胎細女Aurella,令幸福家庭升成為兒女雙全嘅五口之家。祝福陳倩揚永遠幸福!

Like MisshkNews Facebook!不出门也能知天下事~

發佈回覆

你的電郵地址並不會被公開。