36C「打機女神」小背心上陣,本色出演化身性感羅拉!

《金宵大廈》到咗結局篇,不過依然係集集有驚喜。尋日播出嘅一集,前華姐張曦雯有份演出《Simone》呢個單位劇,同「毒男」膠罐(林子善飾)譜出一段「打機情緣」。

劇中,張曦雯「做翻自己」,都係做明星張曦雯嘅角色。而因為種種「偶然」下,膠罐同張曦雯相識,仲做埋打機嘅隊友,一齊打《奇幻大廈》嘅電玩,簡直實現咗膠罐識女神嘅夢想!

劇中,佢哋更加模擬咗親身上陣進入遊戲嘅畫面,一齊打喪尸,好逼真。

張曦雯嘅打機造型更勁索,著上咗小背心嘅「war game look」,更有啲安祖蓮娜祖莉(Angelina Jolie)飾演羅拉,成功吸引到網友嘅注意,佢哋仲大贊張曦雯嘅角色選角一流。

事實上,張曦雯現實生活中都係,因為曾經直播打機而有「打機女神」之稱,仲成日真情流露大爆粗口,因而畀網民激贊真性情夠貼地,今次喺《金宵大廈》中,佢就好似做自己一樣。

發表回覆

你的電郵地址並不會被公開。 必要欄位標記為 *