47歲前港姐退隱從商,與初戀再婚做繼母!

前港姐楊寶玲喺情路上歷遍辛酸,事業上雖然佢一出道就一帆風順,但感情卻經歷兩次婚姻失敗,甚至畀前夫爆料,喺47歲與初戀再婚做繼母。

楊寶玲就讀于拔萃女書院,之後到英國史篤城求學。1987年楊寶玲開展選美之路,獲得香港小姐冠軍、國際親善小姐、世界小姐亞洲皇後、環球小姐第5名,紀錄喺香港到而家冇人打破。

選美結束之後,楊寶玲同TVB簽咗3年合約,出道已經喺成龍電影《飛龍猛將》飾演水質專家。

楊寶玲第二年畀委派韓國做主持采訪奧運,估唔到從未做過體育節目嘅佢,做現場采訪同報道工作都表現出色。

可能因為媽咪係粵語片明星李云嫦,楊寶玲好有演藝天份,曾經出演周星馳嘅《他來自江湖》、鄭少秋嘅《大都會》等,大獲好評。1992年楊寶玲離開TVB,一度喺新城知訊臺做主持。

本來楊寶玲演藝道路好順利,直到1997年畀傳媒爆出三年前已經喺澳洲黃金海岸注冊結婚,兩個人先開記者發佈會承認結咗婚,同時楊寶玲亦宣布正在辦理離婚手續。失婚之後,前夫陳容森大爆兩人性-生活,事後楊寶玲話陳容森近乎精神崩潰,傷人傷己。

1999年,楊寶玲退隱從商,喺珠寶上市集團任非執行董事,全球公司有1000間分店。至2002年,佢嫁拉斯維加斯凱撒皇宮賭場高層Nelson Wong,結婚之後定居美國生落囝囝,之後楊寶玲繼續打理其珠寶生意,得閑嗰陣同囝囝環游世界。

可惜童話喺2014年結束,楊寶玲與第二任老公協議離婚,仲出售與前夫聯名物業,據聞狂賺2800萬。

不過楊寶玲屢敗屢戰,同年揾到第三春,與喺初戀情人Gav結婚。現任老公同楊寶玲一樣曾經失婚,對方更帶住2個囡囡,不過楊寶玲唔介意做繼母,仲將佢哋視如己出,連佢同第二任老公所生嘅囝囝都成功融入新家庭。

或者因為有家庭幸福滋潤,從楊寶玲喺社交平臺發布嘅相見到,52歲嘅佢身材依然保養得好好,得閑嗰陣與圈中姊妹江欣燕、鄭裕玲聚會。

發表回覆

你的電郵地址並不會被公開。 必要欄位標記為 *