74歲黃百鳴「一拖三」開船P,驚現6嚿腹肌!

黃百鳴不嬲爛蒲,74歲仲keep住童心,尋日係香港三年以嚟第一次發出「黑色暴雨警告」信號,佢仲帶住3位小花陳庭欣、莊思明同周子馨一齊出海開船P。

有份參演《家有囍事2020》嘅周子馨,昨日都有喺社交平臺曬出船P相,其中一張見到黃百鳴大騷fit爆身形,隱約見到6嚿腹肌,相信平時一定落咗唔少苦功操肌。

同場嘅陳庭欣(Toby)亦有喺社交平臺曬相,不過泳裝款色明顯比平時保守,著一件頭長袖款泳衣,只騷長腿,佢話:「黑雨都阻我哋唔到!Nothing can stop us.」,佢仲高舉香檳暢飲,好似玩得好玩夠。

反而莊思明就好似冇落水一樣,只喺船上同陳庭欣、周子馨合照。

Like MisshkNews Facebook!不出门也能知天下事~

發佈回覆

你的電郵地址並不會被公開。