77歲前TVB臺柱入院做「通波仔」手術 入行45年參演無數作品

要講到“扮嘢”嘅鼻祖,就非前輩盧海鵬莫屬喇。入行多年間,佢帶比我哋無限嘅歡樂,眨眼間,盧海鵬今年都已經77歲嘞,但佢依舊一副“老頑童”噉樣,十分活潑,更加不時出席活動同參與電影電視演出。

不過,日前就有港媒爆料,見到盧海鵬同李思捷仲有戚美珍(三嫂)一同喺醫院出現,只見佢哋三人都急急腳噉樣,隨后就一同離開,而盧海鵬個女就緊緊拖住盧海鵬,另一女友人就從旁扶著盧海鵬上車。

原來早年間,盧海鵬就已經飽受糖尿病嘅困擾,最近做身體檢查時發現心臟有血管栓塞,為咗其健康著想,所以好友戚美珍便帶盧海鵬入院做“通波仔”手術,而當時見到佢哋一行人喺醫院出現,實則系陪已經做完手術嘅盧海鵬出院。

事后,問及盧海鵬上周通波仔一事。佢似乎有啲驚訝嘅話:“咩?咁又點呀?”至於身體嘅嘢,佢就表示話:”冇事呀,唔都系噉啰。”雖然話唔多,但系都聽得出佢精神唔錯,希望佢好好休息,早日康復。

講起盧海鵬,因為入讀1973年TVB第三期訓練班而入行嘅佢,早年TVB綜藝節目《歡樂今宵》嘅臺柱之一,以攪笑以及模仿其他藝人及名人而備受關注。隨后佢都開始參演電視劇集同電影演出,入行多年演出嘅作品可謂系數不勝數。

直到2012年終于憑借《奪命金》,首次獲得香港電影金像獎“最佳男配角”嘅提名,最終更加系以大熱嘅姿態摘下此殊榮。佢仲起2013-2014年度,微笑企業大獎頒獎典禮擔任微笑大使,反正有盧海鵬嘅地方,就有歡樂。唔理點,希望盧海鵬可以好好保重,早日康復,祝福!

Like MisshkNews Facebook!不出门也能知天下事~

發表回覆

你的電郵地址並不會被公開。