TVB「師奶殺手」投資有道賣樓賺過千萬,搵啱優質盤繼續投資!

現年56歲「TVB師奶殺手」張兆輝,呢排現身會展中心出席「TVB2019戲劇綜藝強勢登場發布會」。期間,男神勤力為自己有份主演嘅新劇《黃金有罪》做宣傳。受訪時,提到較早前賣房凈賺過千萬,張兆輝就顯得好開心。

佢話:「都唔系噉算嘅,以前聽長輩講,做演員嘅錢有血有汗,唔可以亂洗,置業又安全又可靠,憑自己努力一步一步實現夢想。(所以仲買落咗好多物業?)都冇咩,睇下點再投資啦,揾一啲優質盤再出手投資。」

傾到小朋友都喺外國讀書,問到會唔會考慮喺外國置業?對此,張兆輝就只簡單表示,暫時未諗長遠,先做好眼前嘅工作為先。

佢又話:「過兩日就要去內地開古裝劇,有一段時間冇拍古裝,趁有氣有力嘗試,今次要演一名將軍,好在現時嘅天氣都唔算太熱,應該冇咁辛苦。」

1963年出世嘅張兆輝,佢系參加第11期無線藝員訓練班入行,與佢同期訓練班出道嘅仲有梁朝偉、周星馳、吳鎮宇、李子雄等多名巨星。出道初期,張兆輝同大多數新人一樣,從茄喱啡做起,頻繁喺多部劇集中做人肉背景。

直到后來喺處境喜劇《香港八五》中擔任張鏘一角,先令張兆輝嘅星途開始轉變,之后,佢開始獲得無線嘅力捧,并榮升第一男主角,擔正主演多部劇集,比如《神勇CID》、《黃金十年》、《云海玉弓緣》等。

2002年,張兆輝約滿離巢,并專注于喺電影界發展,參演由著名導演杜琪峰執導多部戲,包括《大隻佬》、《大時間》、《黑社會》、《黑社會以和為貴》、《放逐》等。直到2011年,張兆輝獲邀回巢并接拍劇集《結.分@謊情式》。

近年,張兆輝憑住主演邵氏網劇《飛虎之潛行極戰》爆紅,喺劇中演嘅飛虎教官一角,令佢人氣持續高企。期待佢喺新劇《黃金有罪》中嘅出色表現,都希望佢可以繼續接拍港劇,加油!

Like MisshkNews Facebook!不出门也能知天下事~

發佈回覆

你的電郵地址並不會被公開。