TVB兩大視後外闖夢碎,決定回巢發展…

受新冠肺炎疫情影響,各行各業都損失慘重,尤其係餐飲、娛樂同零售業,好多明星藝人大半年都冇劇拍,就連周星馳因為公司資金鏈嘅問題都需要變賣房產。

既然計劃趕唔上變化,亦唯有變通正面面對,「TVB視後」胡定欣李施嬅本來打算離巢,去外國或者大陸發展,無奈疫情影響,外闖夢碎繼續回巢拍劇做花旦。

據悉,今年約滿TVB嘅胡定欣,貴為兩屆視後嘅佢自然更大野心向外闖,兩年前拍完《包青天再起風云》,已經有其他公司向胡定欣招手,當中同古天樂經理人公司仲一拍即合。

可惜疫情越來越嚴峻,胡定欣最後婉拒咗古天樂公司邀約,決定選擇留喺TVB大樹好遮蔭,加埋樂易玲一直相當有誠意同胡定欣傾續約條件,仲加價加薪。

既然形勢大變,胡定欣都唔想繼續冒險向外闖,落實續約嘅胡定欣即刻接咗年尾開拍嘅重頭劇《白色強人2》,據悉佢會同馬國明、唐詩詠有三角戀。

而胡定欣好姊妹李施嬅同樣係遭遇相似局面,舊年憑借《金宵大廈》爆紅嘅李施嬅,亦決定食回頭草簽約TVB姊妹公司-邵氏兄弟國際影業有限公司。

《金宵大廈》令李施嬅由唔畀睇好到演技畀認同,事業大逆轉,舊年四月離巢嘅佢,簽約美國經理人公司Authentic,更加透露會拍加拿大劇集同美國電影。

卻因為新冠肺炎疫情大失預算,外國開工遙遙無期,而且準備40歲嘅李施嬅唔想原地踏步,即使之前TVB搵佢續拍《金宵大廈2》,佢都冇馬上應承,只係話考慮,配合檔期。

唔理點樣,都係希望胡定欣同埋李施嬅喺之後嘅事業上可以有所成就,期待佢哋嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。