TVB再掀離巢潮,前港姐捱足15年零獎項,《法證先鋒4》成告別作

備受觀眾期待嘅TVB重頭劇《法證先鋒4》經過半年嘅拍攝,終于喺日前正式殺青。唔少網友都覺得如果收視口碑可以承接前三部,咁擔正做女主角嘅李施嬅,肯定可以喺年尾嘅頒獎禮上有所斬獲!

話曬入行15年嚟,佢地位僅此于當年嘅TVB五小花,再加演技有目共睹,只系一直冇獎項嘉許,真係一個遺憾。

然而呢排就有媒體爆出李施嬅離巢嘅消息,不禁令人大吃一驚!因為舊年畀問及系咪同TVB續約嘅時候,李施嬅仲好樂觀噉表示緊積極商討中,隨后就被安排接演《法證先鋒4》,無論系李施嬅定TVB,都顯示出咗繼續合作嘅誠意,點知轉嚇眼,大家就和平分手!

據悉TVB官網已經將李施嬅嘅名刪除,這與鐘嘉欣離巢時嘅情況一模一樣,而李施嬅嘅工作聯系方式都變更為個人,呢嚇更坐實咗佢同TVB結束賓主關系之說。

其實早喺《法證先鋒4》拍攝結局嘅時候,就有眼利嘅網友發現,李施嬅嘅官配竟然系海俊杰,而男主角黃浩然有情人其實系黃心穎,呢個根本唔符合女主角嘅待遇,再加上殺青宴當日,其他演員都到達現場,慶祝劇集完結,凈系得李施嬅冇見人,如果唔系同TVB合約已經到期,呢啲場合唔可能唔出席!

出道之初,李施嬅憑借港姐身份,都曾得到唔少機會,除咗早期嘅《本草藥王》《布衣神相》《老婆大人》之外,2008年喺《法證先鋒2》中驚艷一瞥,令人印象尤為深刻,當時佢與佘詩曼對戲都唔怯場,喺氣勢上仲有一種壓倒佢對方嘅感覺。

可惜嘅系,同人唔同命,相較于佘詩曼一馬平川嘅星途,李施嬅儘管演繹咗唔少經典之作,但成日同獎項冇緣。

從2005年開始,連續三年提名“飛躍進步女藝人”,全部鎩羽而歸!之後出演《宮心計》中賢妃一角,獲得“最佳女配角”提名時,又因為《巾幗梟雄》大爆,不敵老戲骨謝雪心塑造嘅大太太!

俗語講得好,一鼓作氣,再而衰,三而竭,接二連三嘅失敗,讓李施嬅都開始喪失信心,另外老豆嘅破產,以及同鄧健泓分手嘅情傷,對佢打擊都好大!

所以自從2012年開始,佢喺TVB嘅工作量減少,甚至有2年時間冇見過佢拍攝新劇,但這并冇阻住李施嬅發展演繹事業,因為佢一早將眼光投向外國!

2017年趁住游學嘅時機,佢自薦接拍咗美國微電影《Once More》,并成功獲得《European Cinematography Awards》同《Los Angeles Firm Awards》嘅最佳女主角,可謂揚眉吐氣!之后接受訪問嘅時候,李施嬅坦言呢個獎系我14年經驗累積嘅成果,真系好開心呀!

以前喺胡說八道姊妹中,凈系得我一個冇喺TVB攞過獎,有時我會想系咪自己唔夠好,唔系一個好演員,但系今次通過努力攞到獎真系一個好好嘅鼓勵,自己嘅實力終于畀證明!

有咗躋身國際嘅籌碼,李施嬅自不然噉多選擇工作機會,舊年佢就再次接演咗加拿大劇集《Blood and water》,仲順利提名咗《2019年加拿大銀幕獎》“最佳女配角”。

如果話,上次微電影嘅獎唔入流嘅話,噉今次嘅入圍就系含金量頗高嘅“加拿大奧斯卡”,雖然最后未能奪得大獎,但盛裝出席嘅佢意外畀大會選為當晚嘅「最佳服飾獎」,相較于這些年喺TVB受到嘅冷遇嚟講,絕對系一個有紀念意義嘅安慰!未來希望李施嬅喺國際大舞臺上繼續發光發熱!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *