TVB咪神自爆拒絕800萬飯局,因為有大靠山

近年憑《愛回家之開心速遞》中“細龍太”一角上位嘅TVB咪神陳偉琪(Vicky),初出道時,因為身材惹火同經常飾演姣婆角色,所以經常畀“問價”去飯局,最誇張大嘅一次更出到800萬。

雖然從來不為所動,但佢又畀爆返工開豪車,開工粗戴近十幾萬蚊名表,經常出埠旅游又食好嘢,最近更搬入西貢千呎獨立屋居住,咁有錢原來并非靠“外快”,只係背后有個“富爸爸”!

據知,陳偉琪老竇做大型貿易生意幾十年,由于得佢一個女,由細到大錫到燶,可以話要乜有乜,就算陳父宜家已經退休,一家人依然生活無憂,雖然家底豐厚,但佢又堅拒做“金絲雀”。

參選港姐入娛樂圈之後,不斷喺演藝事業尋求突破,較早時更參加有表演界“奧林匹克”之稱嘅“WCOPA”世界表演藝術錦標賽,結果一口氣贏得三個大獎,成功殺入本月喺美國荷李活舉行為期9日嘅總決賽。

至於係咪有好多飯局邀請?佢話:“係!好多仲要好高價,好攪笑!不過我見到會即拒絕,無興趣!真係試過出到800萬,好好笑,可能我初入行接嘅角色一面倒,會有比較惹火演出,印象冇咁好。

(畀人誤解係咪好難受?)拍戲角色係冇得揀,雖然都好無奈,但我會堅持做自己,好似打籃球、彈豎琴咁,等大家慢慢認識真正嘅我。”

Like MisshkNews Facebook!不出门也能知天下事~

發佈回覆

你的電郵地址並不會被公開。