TVB宅男女神「真空上陣」曬短片,畀網友質疑…

呢排,「TVB宅男女神」林芊妤(Coffee)曬咗自己同仔仔喺屋企做運動嘅短片,兩仔乸嘅雖然畫面好溫馨,不過卻引來咗一大班網友嘅質疑疑似走光,刻意賣弄性感。

有網友質疑林芊妤疑似真空上陣,稱其著嘅短褲太短,無著打底褲,更有人惡意批評佢鐘意露,仲有網友彈林芊妤無著Bra。

事後林芊妤快手澄清自己有戴無鋼圈嘅Bra,因為自己仲係哺乳期間,唯有著無鋼圈嘅款式,喺做運動嗰陣胸部有波動係好正常嘅嘢。

雖然林芊妤已經澄清單嘢,但仲有網友追住唔放,於是第二日林芊妤曬翹臀相還撃,仲話:「本小姐鐘意露就大大方方咁露出來,又唔係乜羞恥嘅事,女性就應該對自己引以為傲,唔洗偷偷摸摸咁露,對吧?」

講到林芊妤嘅黑歷史,不得不講佢喺2014年因為「殘廁事件」轟動全城,當時林芊妤同富二代林知譽同游,後來兩個人一齊進入傷殘廁所近半個鐘,更被記者錄得令人想入非非嘅細語呻吟聲同撞撃聲。

單嘢發生之後,林芊妤形象一度插水,畀污名化「淫賤」、「釣金龜」等負面形象,受盡廣大網友熱論,更畀TVB正式解約,斷送大好前途。

不過憑借一副好身材以及瑜伽教學,近年嚟林芊妤發展都唔錯,甚至圈內女星都會搵佢設計修身課程,之前要產後瘦身嘅胡杏兒就曾經幫襯過佢,效果大家都睇得到!

除此之外,林芊妤感情上都揾到真命天子,仲有埋自己嘅愛情結晶,宜家見到林芊妤一家三口咁幸福,真係替佢哋開心,祝福你哋永遠幸福快樂。

Like MisshkNews Facebook!不出门也能知天下事~

發表回覆

你的電郵地址並不會被公開。