TVB小生否認系富二代,直言入行到而家都系靠自己

憑借《開心速遞》中飾演「龔燁」而人氣急升嘅張景淳,形象入屋,而佢喺劇中同呂慧儀飾演嘅「熊若水」更被網民封為「最鐘意嘅螢幕情侶」之一。

對于可以獲得觀眾嘅認可同支持,張景淳坦言好開心,佢話:「我好希望大家見到我,就好似見到阿蟹(呂慧儀)噉樣,大家見到佢都系好開心,畀人嘅感覺系一個好真實嘅存在。」

1981年生嘅張景淳系前組合cheers嘅成員之一,后來因為推出歌曲《十年約會》更加系備受關注。

無奈公司遇上官非問題而停止營運,導致旗下藝人都隨之而停止演藝業務嘅發展,張景淳為咗追夢,就加到TVB成為旗下藝人,繼續朝住夢想前進。

入讀TVB第22期藝員訓練班嘅佢,喺畢業之后就喺唔同嘅劇集中擔任啲二打六,比如《學警狙擊》、《老公萬歲》、《公主嫁到》、《真相》、《點解阿sir系阿sir》、《法證先鋒3》等。隨著演技嘅進步,張景淳嘅戲份都隨之而加重。

不過張景淳嘅演藝事業,并非因此而一帆風順,喺后尾嘅一段時間,張景淳工作量越來越少,甚至唯有靠節目《文化新領域》嚟維持生計。不過有網民就話佢系富二代唔憂吃穿,就喺谷底嗰陣依然系可以繼續開豪車,生活似乎并未受到任何嘅影響。

對此,佢就澄清解釋話:「我從入行到而家都系一直靠自己,我出道咗16年,其實我系有積蓄,我系可以應付到油錢同車位。我覺得人嘅價值唔應該喺成就度,而系應該喺良知嗰度。」

捱咗咁多年,張景淳都終于憑借《愛·回家之開心速遞》嘅「龔燁」而嶄露頭角,更加因為呢個角色喺《觀眾在民間電視大獎2018》中勇奪「最佳男配角」嘅殊榮,可見對其演技同努力付出嘅肯定。

唔理點樣,都系希望張景淳可以繼續加油,畀我哋帶嚟多啲更精彩嘅好作品,大家不妨拭目以待!

發表回覆

你的電郵地址並不會被公開。 必要欄位標記為 *