TVB小生感情事業大起大落,新劇上位成功月底拉埋天窗

「TVB小生」陳山聰最近喺《金宵大廈》首次擔任第一男主角,感情方面,佢表示下個月仲會與相戀5年嘅女朋友拉埋天窗,而家係事業愛情兩得意。

不過幾年前陳山聰嘅人生經歷高山低谷,2010年尾佢同結婚10年嘅前妻楊渡萍正式離婚,冇幾耐就同賭王之女何超雲相戀。

拍拖期間陳山聰冇心演藝事業,更經常推劇,與何超雲分手之后陳山聰事業即刻跌入谷底,最后一切推倒重來。

好彩TVB高層曾勵珍批準陳山聰回巢,又獲監制李添勝賞識,喺《宦海奇官》中擔任第二男主角,之后喺《張保仔》、《刀下留人》等發揮理想,之后又識咗美容行業嘅現任女友Apple,生活先走出陰霾。

并感激女友5年嚟喺精神到生活上嘅支持:「無論我收工幾夜返佢,佢都冇怨過我冇時間陪佢,而且年年佢生日我都唔可以同佢慶祝,因為佢同TVB同一日生日,我要做埋臺慶先可以返去同佢切蛋糕。」

講到求婚過程完全冇驚喜,陳山聰話比普通更普通:“就喺佢舊年生日嗰陣求嘅婚,當晚食完飯返屋企,佢好奇怪點解我冇準備禮物,跟住我就拎出戒指嚟。我一直都覺得要畀個名分佢,我又想生小朋友,拍完《大步走》就努力造人啦!”

除咗《金宵大廈》大獲好評,陳山聰手上仲有《十八年后的終極告白》、《唐人街》同《大步走》角色戲份都好重,希望陳山聰可以畀我哋帶嚟多啲更精彩噶演出,期待佢嘅表演!

發表回覆

你的電郵地址並不會被公開。 必要欄位標記為 *