TVB小生憑「排骨仔」成功走紅,但捱咗22年仲係茄哩啡

呢幾年嚟,越嚟越多藝人離開TVB,尤其係TVB綠葉、配角居多,繼劉江、田蕊妮之后,仲有「TVB小生」敖嘉年。當年佢憑借喺《巾幗梟雄》飾演「排骨仔」成功走紅,但佢捱咗22年仲係茄哩啡。

日前,43歲嘅敖嘉年終于正式離開TVB,佢喺社交平臺留言返TVB交員工Locker嘅心情。

敖嘉年喺1994年參加TVB節目《歡樂今宵》舉行嘅亞洲鐳射卡拉OK大賽而入行,曾經做過電影助理美術指導,又做過電臺DJ主持深夜節目,直到1998年正式簽約TVB,成為旗下男演員。

最初敖嘉年擔任《城市追擊》嘅主持,直到2001年先參演首部劇集《封神榜》,后來有機會喺劇集中分派到頗具挑戰性嘅角色,演技慢慢獲得認同。

喺TVB咁多年,敖嘉年最深入民心嘅角色離唔開敗家、反骨、弱智,最經典對白就係許許許,并一度成為網絡潮語,呢句金句源於2012年劇集《造王者》。

敖嘉年飾演嘅宋理宗趙貴誠,因為十年間受到金國虐待,而導致神經失常,不斷只發出許許許聲。

網友激贊敖嘉年扮得好似,并重提佢喺《魚躍在花見》、《巾幗梟雄之義海豪情》等劇集中嘅類似角色,封佢為金牌智障人士。

不過,敖嘉年塑造最成功嘅角色,一定係《巾幗英雄》系列中蔣必文、排骨仔,更加勇奪《飛躍進步男藝員》。

敖嘉年連續兩次角色嘅成功,都未有推佢升上男主角位置,感到心寒嘅敖嘉年繼續喺小角色上努力發揮,不過佢喺2016年同TVB改簽部頭合約,開始北上發展,雖然同樣係配角,但收入已遠高于TVB。

宜家敖嘉年正式離巢TVB,翻身變男主角,希望佢喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。