TVB小生新劇頹廢造型畀贊夠Man,曾經諗過放棄做戲轉行

TVB小生黃嘉樂喺《街坊財爺》飾演欠債唔還嘅差佬,之前同黎諾懿係好拍檔,為咗讓拜金女朋友范文雅開心,爭落信用卡債務,為咗還信用卡向大耳竉借錢,最後搞到做唔成差佬,要走佬隱姓埋名5年。

喺劇中,一張抽獎卷令黃嘉樂嘅行蹤曝光,當佢重遇當年女朋友嘅時候,發現對方已經嫁入豪門,於是發狂要求對方還錢。

喺劇中黃嘉樂飾演嘅頹廢前差佬,成面都係鬍鬚,發型亂七八糟,但就讓觀眾覺得有一種頹廢嘅男人味,真係好Man。

外形靚仔嘅黃嘉樂,完全睇唔出今年已經40歲,佢屬於TVB嘅童顏藝人之一,成日畀形容為TVB御用細佬。

今年,黃嘉樂喺TVB劇集《白色強人》飾演郭晉安嘅徒弟都相當精彩。

黃嘉樂曾經因為老竇患病而離開TVB,前往內地發展,第一部拍攝內地嘅劇集係《媽祖》,但後來仲係回巢TVB。

2015年,黃嘉樂嘅老竇因為癌症而離世,佢接受訪問時表示好自責,當初為咗進入娛樂圈而犧牲家人嘅生活,但老竇臨終要求佢堅持落去,黃嘉樂都應承咗,而家佢終于都算係捱出頭,喺多部劇集中都有唔錯嘅表現,相信此時此刻嘅黃爸爸喺天堂一定感到安慰。

黃嘉樂與圈外攝影師女友Samantha拍拖已經有2年,感情穩定,兩個人成日喺社交網站放閃,貼出二人嘅甜蜜合照,好恩愛。黃嘉樂曾經多次稱視女友為結婚對象,并計劃短時間內結婚。

黃嘉樂笑住話:“近年嚟同女朋友拍拖,自己嘅脾氣都有好大嘅改善,而家經常笑臉迎人,唔再好似以前噉樣亂發脾氣。”

如果黃嘉樂結婚,到時候鐵馬尋橋嘅兄弟姊妹,肯定又會聚喺埋一齊做伴郎,唔知佢哋幾時拉埋天窗呢?期待期待。

Like MisshkNews Facebook!不出门也能知天下事~

發佈回覆

你的電郵地址並不會被公開。