「蘭桂坊USB」畀爆二個人十指緊扣漫步中環,真係好甜蜜

沈震軒入行13年戀事多籮籮,雖然有指因為形象太花心,畀老板周焯華雪藏,直到佢離開TVB後,好似修心養性,專心做嘢,鮮有傳出緋聞。

沈震軒曾經與龔嘉欣傳過緋聞。

不過直到舊年,沈震軒因為拍攝微電影《狼人游戲》,與卓悅太子爺葉韋彤嘅舊愛、25歲新晉女星陳欣妍撻著,兩人愛得火熱。

有媒體日前喺中環見到沈震軒同女友食完晚飯拍拖,當時佢哋一身全黑嘅情侶打扮,沈震軒頭戴帽cap,陳欣妍就齋顏上陣,雖然見到佢哋漫無目的、十指緊扣噉漫步中環,不過好似有傾唔曬嘅話題,更加不時深情對望。

即使有途人認得沈震軒,亦似乎影響唔到佢哋嘅濃情蜜意,大約行咗半個鐘左右,兩人攞車離開,沈震軒先為女友開車門,跟住再自己上車,一顯男士風度。

沈震軒好少公開拍拖,似乎今次畀收服咗。

發表回覆

你的電郵地址並不會被公開。 必要欄位標記為 *