TVB小生違反「禁聚令」,認錯回應稱第日小心注意

上月尾香港實行「禁聚令」,規定4人以上唔可以喺公眾地方聚集,食肆除咗規定限制4人一臺之外,臺與臺之間至少有1.5米距離,不過有市民反映唔少食店為咗唔想失去食客,即使食飯人數超過最高制都選擇視而不見。

日前,「TVB小生」游莨維(一蚊Joe)畀記者發現同一班《東張西望》工作人員喺九龍城一泰國食肆出現,當日佢哋有七八個人,走入食肆最入面嘅枱,然后落單嗌嘢食。

現場所見,游莨維同工作人員開頭都係守規矩,分開兩張枱坐,每張枱只坐三四人,不過當啤酒、點心嚟到嗰陣,佢哋暢飲一輪就開始放松起身。

酒過三巡之後,游莨維一班人開始變得松懈,開始起哄攬埋一堆,邊飲酒邊猜拳,有人仲唔戴口罩,搭住友人膊頭吹水食嘢,不過食店職員見到情況卻冇上去阻止,反而仲同佢哋傾埋一齊。

單嘢曝光之後,網友紛紛指責游莨維,指佢作為公眾人物更應該遵守禁聚令。尋晚游莨維接受傳媒采訪時話;「我知道錯,之後一定會提醒自己,而家收工盡量都係買外賣返屋企食。」

Like MisshkNews Facebook!不出门也能知天下事~

發佈回覆

你的電郵地址並不會被公開。