TVB小花入行十年,透露做TVB親生女嘅幾大條件

「TVB小花」李君妍當初係因為TVB內部招募武打演員,而佢因為曾經接觸過南拳,於是就喺機緣巧合之下參與TVB嘅武術選秀節目《功夫新星》,李君妍從而進入娛樂圈。

入行接近十年嘅李君妍,大多數飾演一啲茄喱啡角色,不過佢并冇灰心而係一步一步磨練自己嘅演技。

付出總會有回報,李君妍嘅演技慢慢獲得觀眾們嘅賞識,喺近幾年開始擔任一啲劇集重要角色,例如喺《金宵大廈》、《她她她的少女時代》中都有佢嘅精彩演出。

李君妍并唔係富貴人家,而係生活喺一個普通嘅家庭,兼夾父母對佢管教比較嚴格,好多時候唔畀佢出去玩,或者係旅行。

李君妍接受傳媒訪問嘅時候都坦言,因為冇強大嘅背景再加上并冇去過好多地方游覽,啱啱入行嘅時候,會覺得自己見識比不唔上人,做好多嘢都覺得冇信心,不過而家已經入行咁多年,慶幸而家搵翻信心。

較早前李君妍喺劇集《她她她的少女時代》,雖然係飾演配角,但李君妍將劇中嘅角色飾演得好出位,更加畀網友們稱為TVB新一代姣精,更有網友喪鬧李君妍,出賣自己身體好賤呀。

而李君妍就表示,自己都冇諗過劇集播出後會畀人噉嘅感覺,但都唔會唔開心,有人討論總好過無人問津。

因為飾演嘅角色慢慢受到觀眾們嘅關注,喺舊年嘅時候李君妍成功同TVB簽咗約,成為咗TVB親生女。

而之所以能夠成為TVB親生女,李君妍就透露話,其實每一個藝員都會有一張成績表,如果高層見到成績表覺得可以嘅話,就會畀一個機會約談簽約,至於細節上就唔係好記得清楚,但會記低你一年拍攝咗幾多套劇,接咗幾多商演噉樣。

李君妍入行咁多年終於獲得TVB肯定,期待佢跟住可以畀我哋帶嚟多啲更精彩噶演出,期待佢嘅表演!

發表回覆

你的電郵地址並不會被公開。 必要欄位標記為 *