TVB小花新劇角色超認真,唔擔心影射真實事件受影響

日前,TVB嘅重頭劇《白色強人》就正式出街,而劇中嘅醫療故仔其實都參考咗唔同嘅醫療畸士,讓觀眾覺得專業之余,又可以更深了解到喺醫院中發生嘅一啲事。

而喺劇中其中一個個案,就講到一個歌手Kitty(陳婉婷飾),因為爆肺而入院,而由視後李佳芯飾演嘅程醫生,就發現佢胸中有一個陰影,因此懷疑佢曾經做過隆胸手術,而Kitty對此亦直認不諱,指6年前做過注射填充物方法隆胸!

不過有網民就表示,今次醫療畸士與香港一女歌手情況十分相似,更指呢個角色影射呢個女歌手,陳婉婷就表示:「演員只要做好自己嘅角色,其他就交畀監制、導演指導就好!影射與否,唔需要我自己擔心!」

然而傾到其劇中角色上圍明顯升呢,陳婉婷就笑言自己雖然貪靚,但系比起貪靚就更加珍惜生命,佢話:「我好怕痛,所以只系釘咗兩個耳洞,其他嘢都唔敢做,而今次為咗「效果」,佢哋都有特登揾衫幫我試造型,睇下著咩衫、著咩底衫有隆胸嘅效果,我拍攝嘅時候,戴咗兩個Bra!」 雖然其戲份不多,但是憑藉其出色的演出更是獲得不少觀眾的大贊。然而在得到贊同之前,陳婉婷為了該角色也是做足功課,她說:「多謝觀眾支持,我今次都有為我這個角色做了些功課,問了醫生朋友這個病的病人是會怎樣,看了一些關於這個病的片。這個病病到我這個level的病人,是會好像跑完長跑,不停喘氣,說話會好辛苦。」

1989年出世嘅陳婉婷,喺第25期TVB藝員訓練班畢業之後,就正式進入到TVB,雖然所參演過嘅劇集有好多,但好多飾演嘅角色多數都系一啲配角類型,戲份較少。

對此,佢就表示:「我唔覺得公司比我都系小角色,公司都對我好好,好似我一出道嘅時候,《新抱喜相逢》做過家燕姐個女、《沖線》又做過米雪姐個女、羅仲謙妹妹、仲有《樓奴》、《刀下留人》同《踩過界》公司都畀咗可以發揮嘅角色我。

反而我覺得系我一出道有好角色嘅時候,自己未有足夠經驗,做得唔夠好,所以我會繼續努力、自我增值、提升自己演技,無論大小角色都會做到最後,唔會放棄!」

唔理點樣,希望陳婉婷可以繼續畀我哋帶嚟多啲更精彩嘅作品,加油加油!

Like MisshkNews Facebook!不出门也能知天下事~

發佈回覆

你的電郵地址並不會被公開。