TVB小花畀「狂揸」30次,揚言想攞視後

「TVB小花」龔嘉欣入行已經有十年,當到好多後生一輩,30歲仲係一事無成戶口得個零之際,龔嘉欣呢排就以900萬成功上車,同時喺馬來西亞做埋事頭婆開火鍋店。

女人到咗30歲可能已經談婚論嫁,生兒育女,龔嘉欣坦言一定會生小朋友,但鐘意工作嘅佢,揚言下一個目標係攞視後。

龔嘉欣年初買樓開鋪,完成置業心愿,但一切卻得嚟唔易,佢話:「我好驚搬屋,以前搬屋搬到喊,一直都想有個安樂竇,但唔容易,有份壓力喺度,尤其係現時經濟咁樣,好多嘢唔喺自己控制范圍,盡力做好自己。」

龔嘉欣仲大爆由十幾歲做模特兒開始,就有儲蓄半份糧嘅習慣。人生去到29+1,條路的確唔易行,喺馬來西亞開火鍋店,坦言壓力大到3個月冇經期。

入行十年,龔嘉欣成長唔少,但佢話:「其實我覺得呢十年我冇乜大改變,以前唔識諗咁多,依家會諗可以再勤力啲。我嘅事業由攞咗最佳女配角之後,應該在上一層樓。」

(記者問到佢有乜目標?)龔嘉欣話:「梗係攞視後啦!(《殺手》有冇機會?)呢部劇我付出咗要做嘅嘢,對得住自己、對手同監制。」

龔嘉欣喺熱播劇集《殺手》中飾演殺手,真係博到盡,佢坦言拍前唔知咁辛苦。

講到龔嘉欣同黎耀祥年紀相差廿幾年,劇中有段「微妙」愛情,更慘被黎耀祥「胸襲」30次!果然係專業演員呀!

Like MisshkNews Facebook!不出门也能知天下事~

發佈回覆

你的電郵地址並不會被公開。