TVB小花直認面對愛情比較被動,不容許有第三者

日前,網劇《性敢中環》就舉行咗發布會,而劇中嘅幾位主演包括何佩瑜、連詩雅、雨僑、陳嘉莉等人就組成咗「中環五月天」,一齊盛裝出席活動。

今次連詩雅準備喺新劇中飾演心理醫生,而對于佢嚟講,呢個系佢首次飾演專業人士。

佢話:「雨僑就系我best friend,但系我哋之後有三角關系,就產生咗好大誤會。喺用聲方面系有啲困難,今次就唔可以用普通女仔嘅聲,而系要有磁性去講對白,會比較有說服力。」

幾位女仔一齊拍攝感情自然都增進唔少,不過談及印象最深一場戲,連詩雅就表示同雨僑當時嗌交嘅戲到而家依然好難忘,佢話:「其實《性敢中環》系想講女性嘅自主態度,我哋因為一個誤會而嘈大交,當和好如初嘅時候就喊到力竭聲嘶,真係感觸好深。」

至於劇中嘅角色形象,連詩雅就直言角色同自己嘅愛情觀相似,因此演繹起身比較容易投入到真實情感。佢話:「我遇到一個鐘意嘅人嘅時候,我系會比較怕醜,仲有我唔系比較主動嘅性格,我自己就鐘意從朋友開始。」

但系講到第三者嘅問題,連詩雅就堅決表示接受唔到雙方之間有第三者嘅存在,佢話:「我個人比較被動、唔中意復雜。我會掛住我另一半,點會容許呢件事發生,就系佢心入面已經有第二個存在,咁我就會離開。既然佢個心已經唔系得我一個,有一次就會有第二次。」

1988年出世嘅佢,喺入行之前曾經做過模特,曾經喺亞視以歌手身分出道嘅佢,喺2013年嗰陣就轉投TVB,而佢推岀首支國語歌曲《時間開的玩笑》,仲成功奪得咗《2014年度TVB8金曲榜頒獎典禮》「最受歡迎女歌手獎」。

期間呢,連詩雅曾經拍攝過多部影視作品,更憑《喜愛夜蒲》而人氣急升,備受關注,而佢喺《使徒行者2》中飾演嘅臥底雖然戲份唔多,但卻畀觀眾留低咗深刻嘅印象。

期待連詩雅喺《性敢中環》中嘅精彩演出!

發表回覆

你的電郵地址並不會被公開。 必要欄位標記為 *