TVB當家花旦畀「雪藏」,新劇遭停播?

呢排,喺TVB電視城瘋傳當家花旦李佳芯畀公司雪藏嘅消息,據瞭解雪藏係因為李佳芯近月喺社交平臺發文抒發感情有關,雖然之後李佳芯都有喺社交平臺發文澄清。

大家原先以為單嘢已經告一段落,但事件卻疑似繼續升溫。

有傳由黎耀祥、陳豪、李佳芯等人主演嘅重頭劇《殺手》原定于今年臺慶檔播出,但TVB決定將劇集暫時抽起停播。

對此黎耀祥表示話:“我暫時唔知幾時播出,我凈係知道已經賣咗畀內地視頻平臺,預計會同內地同步播出,應該都好快播出。”

除咗《殺手》要押後播出之外,傳原定年尾開拍嘅《BB來了2》同《踩過界2》都受到影響,傳原定李佳芯嘅角色要撤換,《BB來了2》劇本更加要重新寫過。

對于疑畀TVB雪藏,李佳芯接受訪問,問到《殺手》係咪臨時抽起暫時唔播,李佳芯表示:“未聽過,仲話而家我仲拍緊《愛美麗狂想曲》,如果真係畀雪藏就唔會有劇拍。”

李佳芯表示有時做嘢都比較辛苦,之後會隨緣喺網上分享自己工作上嘅點滴感受,而家只會做好手頭嘅嘢,最後公司要點處理安排,自己都控制唔到。

One Comment on “TVB當家花旦畀「雪藏」,新劇遭停播?”

發表回覆

你的電郵地址並不會被公開。 必要欄位標記為 *