最近一個可以變童顏APP喺社交平臺風靡，香港好多藝人都大曬返老還童嘅童顏照，喺明星效應下，童顏照連日嚟都喺社交平臺刷屏。
除咗「童顏」濾鏡，「變性」濾鏡都好受歡迎，有好多香港藝人都跟風更新曬相，張繼聰好早就曬出童顏相，又拉埋老婆謝安琪一齊變性，好多網友都講唔認得變性之後嘅謝安琪。
蔡卓妍就唔服之前曬嘅童顏相，畀網友話額頭好高克夫，於是又發咗一張自拍再嚟一次，話自己對效果好滿意，變性照好似混血後生仔。 
TVB視後唐詩詠就分別就曬出咗自己童顏同變性嘅相，好多網友畀佢LIKE，唐詩詠一開始曬出自己嘅童顏視頻，好得意。之後又曬出變性照，大家驚覺同黃嘉樂好似，唐詩詠攪笑留言：「咦！好面善噉樣，我變成咗你個樣」，引來眾多網友回復。 
黃宗澤曬童顏相，喺社交平臺留言：「我都湊下熱鬧！你哋話我好似幾歲？」網友同粉絲都話同而家冇分別喇。 
TVB視後胡定欣比較特別，曬咗佢哋一家五口嘅童顏，留言：「我屋企有爸爸媽媽大哥二哥仲有我，爸爸媽媽好後生擁有異常嘅童顏，我哋三兄妹都遺傳咗佢哋最好嘅基因，歡迎各大廣告商搵我拍廣告，效用好好！」其實爸爸媽媽系豹哥、豹嫂、單立文與胡蓓蔚，大哥二哥系陳山聰與袁偉豪，正如佢話：「＃其實個個都不想長大＃永遠都想做小朋友」。 
TVB嘅著名主持人鄭裕玲都有份參與，網友都話，佢童顏照好得意，而變性照好俊朗。
歌手王菀之嘅童顏幫睇起身好攰好想瞓覺噉樣，網友都話佢一啲都冇變，系娃娃臉。 
不過，今日最受關注嘅系TVB當紅小生蕭正楠，轉貼老婆黃翠如用童顏濾鏡處理過嘅相，留言：「小魚兒」。好多網友都畀嚇到以為系佢哋嘅女，大多數網友都乘機催佢哋快啲生個女。 
舊年，蕭正楠同黃翠如喺《TVB萬千星輝頒獎典禮》上宣布已經秘密結婚，自從做咗蕭正楠太太之後，黃翠如人氣直升，佢社交平臺粉絲增至100幾萬粉絲，兩公婆成為網友高度關注嘅對象。而家，網友們最關注嘅事，就系兩個人幾時生仔。 
今年3月，有香傳媒曝出黃翠如已經佗B2個月，不過後尾傳媒向黃翠如求證，佢以短訊形式回覆咗一個“Fake”，否認呢個傳聞。
蕭正楠幽默回復，呢幾個月太太一直忙拍戲，佢同好拍乸曹永廉見面嘅時間仲比太太多，如果真系有人大肚，呢個人應該系曹永廉。
Like MisshkNews Facebook！不出门也能知天下事～
