日前，TVB新晉小生何浩文就重拾求學時嘅興趣，再次練拳嘅佢就表示今次學拳嘅原因，主要希望要突破自己，希望可以繼續增值自己，以更好嘅狀態呈現畀觀眾。
佢話：「因為我覺得自己呢幾年做好多嘢都有所保留，其實噉樣唔系一件好事，我想改變，所以決定用打拳嚟令自己可以做嘢有多啲動力。」
不過傾到點解學拳嘅原因，主要都係因為阿媽，由于自己過去年少氣盛，做咗唔少惹阿媽嬲嘅事，佢話：「我讀小學嗰陣，係媽咪叫我去學跆拳道，我估佢之後一定會后悔，因為我學識咗之後，佢打我嗰陣識避，搞到佢完全冇我辦法，哈哈！」 
話說較早時何浩文畀爆與同門師妹感情一日千里，兩人交往一年幾嘅時間感情都好穩定，而女方老竇不幸猝死，而何浩文更以準女婿嘅身份為其打點一切，因此雙方關系再進一步，兼夾視對方為結婚對象。 
而何浩文都直言：「冇錯，之前女友屋企出咗事，身為男友當然盡力幫。（系咪已經視女友為結婚對象？）同佢相處得好舒服，大家溝通得好好，梗系希望向呢個目標去行，不過而家事業為先，希望努力做到成績。」
1988年出世嘅何浩文，喺中五畢業之後就去外國升學，直到喺2009年參加TVB電視電影《南華夢飛翔》而開始為人所熟知，除此之外，何浩文參與演出咗幾部戲作品。
比如《猛鬼愛情故事》、《喜愛夜蒲2》、《第一次不是你》、《溝女不離三兄弟》、《微交少女》、《鴨王》、《賭城風雲2》、《igirl夢情人》、《失戀日》、《唐伯虎點秋香2019》等。
而佢都憑借喺《喜愛夜蒲2》中飾演嘅靚仔差佬以及喺《荷里活有個大老千》而人氣急升，希望佢跟住可以繼續畀我哋帶嚟多啲嘅精彩作品，期待！
Like MisshkNews Facebook！不出门也能知天下事～
