Twins準備合演超級網劇,英皇投資過億

Twins呢對「孖妹」繼大陸劇《歡樂元帥》之後,相隔9年再攜手合作,準備拍攝由英皇、騰訊投資過億人民幣、共12集嘅大陸超級網劇《女法医JD》!

蔡卓妍(阿Sa)為咗揣摩女法醫,特別向專業人士請教專用詞匯同需要注意嘅細節。

至於鐘欣潼(阿嬌)知道要首次挑戰反派角色嗰陣曾經有顧慮,擔心可唔可以駕馭,不過得到經理人霍汶希鼓勵之後,勇敢踏出第一步,并狂刨劇本咪角色,爭取時間做最好準備!

Twins呢幾年演技大躍進,阿Sa較早前成為「雙料影視后」,演藝事業更上一樓。

而阿嬌較早時喺大陸綜藝節目《演員請就位》中,飾演阮玲玉同臺灣型男明道做對手戲,演技獲網友一致贊好,指佢連眼神都有戲,更加獲名導陳凱歌贊賞!

發表回覆

你的電郵地址並不會被公開。