《踩過界2》確認開拍?而家主演已經成為TVB視帝視后,佢會翻生嗎?

2017年時王浩信憑借《踩過界》中“盲俠”文申俠一角擊敗陳展鵬、苗僑偉、馬國明同陳豪四位勁敵,一舉奪得視帝。

《踩過界》喺當年并非臺慶劇同大制作,只系一部中小成本嘅合拍劇,無諗到播出后成為黑馬,喺內地視頻網站去到6.4億嘅播放量,豆瓣上7.7分而且喺2017年全部網劇評分中排名第八,成績實在驚人。

最近有消息傳出TVB要開拍《踩過界2》啦!

目前王浩信正在拍乸張振朗拍攝《極道怪咖》,而李佳芯舊年年尾拍完《殺手》之后,以健康為由暫停咗做一段時間,目前應該仲喺度休息,連本來與林文龍合作嘅《致所有愛過的人》一劇都推咗。

不過李佳芯都喺舊年臺慶頒獎禮上一嘗視后滋味,人氣急升同時廣告同商演接踵而來,并透露豬年會開拍兩部新劇,應該會包括《踩過界2》一劇。

而《踩過界2》預計會喺2019年年尾開拍,所以預計劇集最快都要2020年下半年或者更遲先可以播出。

而家王浩信同李佳芯都貴為視帝視后,唔知《踩過界2》會唔會加大投資,讓劇集制作更精良或者加入其他重量級人馬呢?

當年《踩過界》系TVB拍到爛嘅律師題材,再加上俗套嘅單位式律師查案敘事手法,仲畀質疑系咪抄襲《夜魔俠》(之后畀證實無抄襲),所以開播前好多人都唔看好。

但播出之後王浩信飾演嘅視障人士大狀以另類視覺看待事物,加埋涉及跨性人士、安樂死、裸體形體藝術家等極具爭議性嘅社會畸士,讓《踩過界》開播后低開高走。

王浩信同張振朗呢對男男CP喺套戲入面更“激情四射”,化學作用強勁,唔少觀眾大呼盲俠同Gogo先系真愛,劇集下方留言仲有人講笑希望佢兩個可以喺套戲入面結婚。

最后更加喺萬千星輝頒獎禮上,讓王浩信同蔡思貝分別就攞下最佳男主角同最受歡迎電視女角色呢兩項大獎,特別系啱出道時觀眾緣極差嘅蔡思貝,都憑呢部劇讓觀眾對佢改觀,原來蔡思貝都有演技,都可以為角色幾大就幾大扮醜,正因為呢部劇讓唔少觀眾對佢黑轉粉。

只不過《踩過界》大結局太虐心,朱千雪嘅角色死咗,李佳芯飾演嘅Never則跌落懸崖生死未卜。因為《踩過界》系合拍,內地視頻網站比TVB更早播完結局,但港版《踩過界》結局卻比內地版多咗一幕。

呢幕就系李佳芯飾演嘅Never突然間出現喺盲俠(王浩信飾)、Gogo(張振朗飾)同癲姐(蔡思貝飾)四人面前,最后四人勾肩搭背笑住向前走。內地版結局就無呢幕,而系以彩蛋形式擺上微博。

后尾張振朗喺戲外采訪時提到“究竟Never有無死到?”,更指Never出現可以畀觀眾一個幻想空間。

睇嚟當年多出嚟嘅港版結果就系要為咗續集埋下伏筆,misshk都好貪得意,李佳芯如果繼續出演續集系延續Never定以新角色出現呢?

Like MisshkNews Facebook!不出门也能知天下事~

發佈回覆

你的電郵地址並不會被公開。