《黃金有罪》索爆舞女演技出眾,但喺TVB捱足三年冇人識

TVB熱播劇《黃金有罪》劇情緊湊口碑唔錯,以上世紀70、80年代嘅香港做背景,以股票為題材,可以認定為商戰劇,目前劇情講到蕭正楠、洪永城、何遠東希望向舞小姐莉莉索取股票貼士。

莉莉嘅扮演者係劉芷希(Kimmy),一出場就好亮眼,畀人一種好性感嘅感覺,而呢個索爆美女嚟自馬來西亞,三年前加入TVB,今次《黃金有罪》係佢第一次有固定角色!

劉芷希喺劇中係一個當紅舞女嘅角色,佢直言希望將一種性感又唔低俗嘅感覺呈現,劇中佢傾慕蕭正楠,不過對方唔中意佢,反而佢同黃智賢會有感情戲。

現年34歲嘅劉芷希喺馬來西亞吉隆坡長大,2012年佢參加《中華小姐環球大賽》獲得亞軍、「完美體態小姐」、「最高貴氣質小姐」三項殊榮,2017年喺香港參加《香港珠寶小姐》贏得冠軍,之後選擇喺香港發展。

劉芷希接受記者訪問嘅時候表示:自己當年一個人喺馬來西亞離鄉背井到香港發展,佢話∶「因為想自己向外闖,試嚇唔同嘅嘢,自己由細就好鍾意睇港產片同埋港劇,覺得係一種追夢嘅感覺。」

劉芷希指一開始到香港係簽Model公司,之後同公司有唔開心嘅經歷,先「膽粗粗」到TVB自薦,一個人嚟香港發展幾年,加入咗TVB之後,劉芷希都訴說咗唔少感受。

劉芷希自覺以佢而家呢個年齡嚟講,喺娛樂圈起步算遲,自嘲係「老新人」嘅佢,坦言∶「我覺得好難出位,始終公司都會將多啲機會畀港姐、華姐,自己無端端一個人好似石一樣爆出嚟,

其實,唔好話觀眾,喺公司好多監制、高層、身邊嘅同事都唔知我係邊個,我喺TVB工作三年啦,經常會畀同事問『你做咗三年?未見過你吖?』自己都好尷尬,都唔知點答。」

劉芷希指呢個角色係監制王心慰叫佢去試鏡嘅,今次嘅角色比起以往多咗唔少戲份,佢好感激對方畀機會佢。

一個人喺香港嘅奮斗,劉芷希顯得相當感觸,都講到自己好多辛苦嘅日子,佢話∶「成日都會想家,爸爸媽媽年紀都大,就會覺得自己離鄉別井,又唔係做到特別好,有一種好對唔住自己同屋企人嘅感覺。」 第一年嚟香港嘅時候,劉芷希喺一間Model公司度做嘢,有啲工作做咗卻收唔到數,自己住嗰陣又經歷過錢財損失,發生咗好多唔開心嘅嘢。

傾起收入,劉芷希表示唔係大富大貴之人,現時未至於好窮,自言「食得飽著得暖」啦,因為除咗TVB,自己都有接廣告嘅收入。但也要好慳儉,唔會選擇搭的士,多數都係巴士、港鐵。

Like MisshkNews Facebook!不出门也能知天下事~

發佈回覆

你的電郵地址並不會被公開。