「十億咪神」搭巴士不慎受傷流血:感受到一種無力感

早日“十億咪神”黃文意就喺社交網上自爆有“血案”!有血案咁嚴重,原來佢上載咗兩張腳流血嘅相,話系喺巴士時唔小心跌傷,仲痛到頭暈暈。

佢就講道:“自問對痛容忍度頗大,細個嗰陣受傷,骨裂咗都冇緊痛,畀扶起后感受到一種無力感、頭暈,只隱約記起車上好心嘅乘客、冷漠嘅司機。而家,我要煩惱今晚點沖涼,希望傷口快啲愈合。黃文意,要勇敢。”

事后,黃文意接受訪問時就復述當時發生嘅情況,佢話:“我喺巴士度唔小心畀塊板纊親搞到跌低,之后喺地下有幾十秒起唔到身,跟住有個婆婆沖上嚟幫我,但正因為太混亂,我都冇好好感謝佢,真系唔好意思。我其實超驚入醫院,但啱啱有去睇醫生,醫生開咗藥畀我,個傷口好深,都要好好保護。”

其實1992年生嘅佢系童星出身,曾演出過唔少電視劇集同教育電視節目,后來喺2016年先加入到TVB,主要擔任TVB娛樂新聞臺粵語主播。隨后都因為喺TVB旅游節目《3日2夜》中展示咗豐滿嘅身材更畀傳媒封為“童顏女神”同“十億咪神”。

她曾出演過《幕後玩家》、《乘勝狙擊》、《與諜同謀》、《踩過界》、《超時空男臣》、《誇世代》、《三個女人一個“因”》、《棟仁的時光》、《特技人》、《是咁的,法官閣下》等。

雖然佢因上載過同唐文龍嘅合照,而畀港媒大肆傳佢系唐文龍嘅緋聞女友,兼夾借其上位,事后黃文意都澄清否認,表示兩人凈系好友關系。

唔理點,希望喺跟住落嚟嘅新劇《十二傳說》、《金宵大廈》、《廉政行動2019》中能夠見到佢精彩演出,期待!

Like MisshkNews Facebook!不出门也能知天下事~

發表回覆

你的電郵地址並不會被公開。