「2021港姐」大熱佳麗自曝嚟自選美世家,媽咪竟然…

TVB一年一度嘅選美盛事《香港小姐2021》正在如火如荼進行,日前已經從28位佳麗淘汰到最后20位,佢哋過五關斬六將,終于奪得決賽夜嘅比賽資格。

日前,呢20位入圍佳麗現身將軍澳電視城會見星級導師鄭丹瑞先生,一眾佳麗認真聽取鄭丹瑞傳授嘅心得,力求奪得港姐決賽夜嘅後冠。

鄭丹瑞更現場點出心目中嘅五位心儀佳麗,分別就係「星二代」關楓馨,「粗口港姐」梁允瑜,「翻版方媛」陳圣瑜以及梁菁琳陳懿德

而大熱佳麗宋宛穎未喺鄭丹瑞嘅心水名單當中,不過就有消息指宋宛穎來頭唔細,皆因佢出自選美世家。

據悉,宋宛穎嘅媽咪文寶雪係1990年嘅澳門小姐亞軍,冠軍係宋宛穎嘅表姨媽。之後宋宛穎媽咪更代表澳門參加1991年嘅國際華裔小姐,同屆嘅仲有袁詠儀。

宋宛穎表示呢次來參選港姐係為咗圓媽咪當年嘅夢,原來宋媽咪當時想參加港姐,可惜遭到外婆反對,之後宋媽咪都有簽約模特兒公司,不過最后因為選擇家庭而放棄咗演藝事業。

時隔多年,宋宛穎背負住媽咪嘅夢想,企喺港姐嘅舞臺上,佢坦言呢次參加比賽媽咪全程做佢軍師,更加照顧佢起居飲食。

除咗宋宛穎之外,其中有傳陳懿德係因為豐滿嘅上位而晉升20強,對此陳懿德就表示,評審係睇綜合分數,例如品德,美貌以及智慧。

另外關禮杰嘅囡囡關楓馨同樣身材不容睇小,佢更加係一個學霸,真係美貌與智慧并重,好多網民紛紛猜測關楓馨會係港姐三甲人選。

最後,《香港小姐競選2021》決賽將會喺9月12日晚上舉行,呢次嘅港姐可唔可以對得住美貌與智慧呢個銜頭?我哋拭目以待。

Like MisshkNews Facebook!不出门也能知天下事~

發佈回覆

你的電郵地址並不會被公開。