「TVB小生」大方向女友示愛:佢下半世交畀我

「TVB小生」揚明有份投資嘅第三間燉湯店呢排喺灣仔開張,唔少圈中好友包括林淑敏、許家杰、陳曉華、陳煒、張振朗同蔡國威等人到場祝賀。

揚明嘅女友莊思明因為要開工未能出席,但已經拍咗視頻支持同送花籃賀男友。

問到會唔會叫女友入股?佢話:“冇呀,唔使啦。(財政分開D?)梗係啦,我呢啲生意仔。”

傾到女朋友表示下半世要佢,揚明話:”真係孭重飛,喺冇開分店前,佢下半世都應該交比我啦。(係咪開完十九間分店先結婚?)唔一定,可能再開多兩間超級大嘅鋪頭就可以,做男人要有事業基礎,先至可以照顧未來家庭。”

笑問係咪要落訂封女友盤?揚明話:“唔使啦,早就封咗盤啦,邊個夠膽同我爭?”

發表回覆

你的電郵地址並不會被公開。 必要欄位標記為 *