「TVB小生」終于上位,唔使再扮張智霖!

有睇開TVB嘅觀眾,相信對「TVB小生」張振朗同張智霖撞樣呢件事絕對唔陌生,其實佢除咗因為個樣有幾分相似之外,張振朗同張智霖最相似嘅地方其實係把聲!

早幾年,張振朗上《Sunday扮嘢王》扮張智霖,仲唱埋首《歲月如歌》出場,認真入型入格,唔少現場觀眾真係誤會咗張智霖真係嚟做嘉賓,就連打電話畀張智霖老友伍詠薇嗰時,對方都差啲搞錯!

雖然嗰時就有唔少網友認為張振朗要扮「Cool魔」上位,但事實證明,張振朗而家貴為TVB一線小生,多部劇集都擔正做男主角,扮「Cool魔」呢件事亦慢慢畀大家遺忘。

但唔知係咪張振朗而家人氣高咗,佢似嘅人都唔同咗,呢排就有網友發現張振朗仲好似亞洲富豪馬雲,呢位網友仲特登搵咗幾個張振朗同馬云表情對比。

日前,張振朗喺《機場特警》飾演張景山都有好亮眼嘅表現,佢喺劇中再度發揮扮嘢本事,中學時期佢上臺吟詩真係笑到碌地!

唔理點樣,都係希望張振朗喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *