「TVB花旦」借游戲了解仔仔,學習點樣做一個好媽咪

「TVB花旦」岑麗香呢排獲邀做雞精代言人,佢坦言食得啱先有健康,所以細心研究所有食物,亦都有同其他媽咪一樣,希望將最好嘅留給下一代。

岑麗香同老公強強育有一歲仔仔Jacob,佢諗返起由佗B開始到而家,每一個唔同階段嘅媽咪體驗都唔簡單,認為每一位媽咪係最出色嘅。

岑麗香仲話:「而家唔使做嘢嘅時候,都會留喺屋企同仔玩游戲嚟學習,睇住仔仔細微嘅一舉一動,自己都同時喺到學習點樣做一個好媽咪,同更加了解仔仔嘅獨特性格。」

講到事業上,當初岑麗香摘得2010年國際中華小姐冠軍殊榮,入行時仲擔任過TVB主力節目嘅主持人,最為觀眾熟悉嘅就係喺《港生活港享受》節目中嘅表現。

2012年,岑麗香開始拍劇,佢喺第二套劇《巴不得媽媽…》已經係第三女主角,更憑借「香香公主」呢個角色大受歡迎,人氣急升。

2013年岑麗香喺《神槍狙擊》佢飾演一個女飛虎,都係佢作品中少有騷身材嘅劇集,佢與男飛虎共同訓練嘅時候,身穿灰色小背心更加凸顯好身材,更畀網友評為「最胸狠女飛虎」。

岑麗香最令人難忘一刻,一定係喺華姐擔任頒獎嘉賓,一身nicole+feliciacouture嘅設計晚裝,嗰晚究竟係邊位佳麗攞冠軍?冇人記得,因為大家只記得岑麗香,更有唔少網民覺得岑麗香嗰晚再選,一樣會贏。

呢排,岑麗香復出拍攝TVB新劇《BB大晒》,直接上位做女主角,冇拍劇一段時間,重回劇組嘅佢覺得好新鮮,而開工嘅嗰陣,佢好掛住仔仔,好彩屋企人嘅支持同鼓勵,先令佢安心接拍,千祈唔好錯過。

Like MisshkNews Facebook!不出门也能知天下事~

發佈回覆

你的電郵地址並不會被公開。