「TVB視后」無份拍续集,我睇新聞先知道

《白色強人》舊年出街之后觀眾評價唔錯,據悉TVB已经決定開拍續集,「TVB視后」李佳芯都表示曾經聽過呢個消息,不過呢排卻傳出李佳芯無份拍续集,令人覺得李佳芯仲未獲TVB「解凍」。

尋日,李佳芯出席《流行經典50年》回答最近嘅傳聞,佢話:「我都係睇新聞先知道,因為而家好多變量,其實我真係唔知,要等公司通知。」

《白色強人》最后一集留低伏線,就係李佳芯飾演嘅程洛雯究竟係咪死咗,如果第二部冇佢演出,基本上可以斷定死咗。

李佳芯話:「可能真係死咗,因為當時我有問過編審,編審覺得應該會死,所以如果到第二輯冇程洛雯,我都覺得OK嘅。」

李佳芯繼《BB大晒》畀踢走之后,今次傳聞《白色強人》又再畀踢走,令網友覺得佢仲畀TVB雪藏。

李佳芯笑言:「唔揣測咁多,我而家只做好眼前。(幾時先會再拍劇?)今年暫時都系安排出書,之后仲有一個工作,做好手手先,開劇等公司安排。」

Like MisshkNews Facebook!不出门也能知天下事~

發表回覆

你的電郵地址並不會被公開。