「TVB視帝」馬國明豪言支持黃智雯做視后,唔攞獎就解約

《萬千星輝頒獎典禮2021》日前圓滿結束,「TVB視帝」馬國明事前接受《東張西望》採訪嗰陣就睇好黃智雯做TVB視后,更加豪言:「今年我都會支持黃智雯。」

(記者問點解咁支持佢?)馬國明就話:「公司爭佢一個視后,佢唔攞獎,我解約!」馬國明言論一出,即嚇呆眾人,黃智雯話:「玩咁大?我壓力好大!」

最后,TVB視后寶座由林夏薇奪得,即馬國明準備同TVB解約?對此,馬國明對外表示:「唔回應喇…………..好失落……」

其實馬國明同黃智雯私底下感情超好,馬國明曾經多次公開向黃智雯“示愛”,早喺2016年二人合作《流氓皇帝》喺黃智雯表示自己想賺錢買樓之后。

馬國明即答:「我都想賺多啲錢,買多層樓,噉佢就鐘意我喇。」

馬國明當時仲對外表示黃智雯係自己嘅理想型對象,舊年佢哋為《使徒行者3》宣傳嗰陣馬國明亦借啲意表白!

雖然馬國明口花花,但黃智雯同從事珠寶業嘅男友Anthony拍拖9年,更加坦言已經視男友為終身伴侶。

 而馬國明同湯洛雯自從前年6月份公開認愛之后,經常甜蜜放閃,佢哋嘅感情各有幸福。

 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *