假富商?「宅男女神」攞過億分手費貼二婚老公

「宅男女神」樂基兒(Gaile)曾經係“天王嫂”,樂基兒與黎明喺2008年美國賭城秘密結婚,婚姻維持得四年,喺2012年一起發離婚聲明。

2017年樂基兒下嫁商人lan,今年成功誕下愛情結晶Hunter。

樂基兒不嬲好少提及老公嘅背景,有消息指佢老公經營網上有機食品生意。

呢排傳媒爆料稱Ian除咗離過婚,仲有欠債逾三千萬要申請破產,2012年Ian先後遭財務公司同信用卡公司入稟法院追數,2012年9月,Ian畀法庭頒布破產令。

現年44歲嘅Ian中文叫朱智豪,喺2003年同名媛前妻馬梓詠(Helen Ma)聯名購入兩套豪宅,一買一賣就有千萬回報,兩個人婚姻結束之後,Ian嘅經濟水平急轉直下。

有傳馬梓詠都係樂基兒嘅朋友,兩個人十幾年前就認識,喺樂基兒仲未嫁黎明嘅時候,好多人都坐喺埋一齊食過飯。

爆料稱Ian同樂基兒系喺破產期間相遇,樂基兒對佢不嫌不棄,共渡難關,至破產令結束之後兩個人就結婚,Ian嘅事業都好轉過嚟。不過傳媒不禁提出問題:Ian點由負債三千萬嘅破產戶變返富商呢?樂基兒出錢拯救老公事業?唔通係傳說中黎明畀樂基兒過億嘅分手費?

雖然樂基兒一度澄清冇過億分手費,至於究竟有冇、具體幾多,樂基兒都冇透露過,只係講“連千萬都傾唔上”。真相究竟點樣只有當事人知道囖。

既然樂基兒當初都知情,今次老公畀起底對佢嚟講根本冇所謂囖,人生起起落落好正常,有人肯一齊共患難已經好足夠。

發表回覆

你的電郵地址並不會被公開。