前「TVB花旦」近照曝光,網民坦言完全認唔出!

現年56歲嘅前「TVB花旦」雪梨(嚴慧明)喺80,90年代紅極一時,佢曾經參演過《親情》、《尋秦記》、《千王之王》以及《勝者為王》等多套經典劇集。

不過雪梨喺2017年拍攝完ViuTV劇《詭探》同埋港臺嘅《忘憂理髮店》之後就好少出席公開活動。

較早時《尋秦記》電影版開機拍攝,記者問到雪梨有冇份參與?佢就話:「因為自己喺劇中嘅角色趙雅已經死咗,所以冇份參與。」

好耐冇浦頭嘅雪梨,佢表示:「呢排主要忙住網上直播、微電影工作,仲透露自己將會出席TVB嘅《流行經典五十年》,同埋囡囡徐頴堃(Erica)合唱《赤子》」

講到徐頴堃,其實佢係雪梨同徐少強嘅囡囡,呢幾年更簽約TVB,曾經喺經典劇集《溏心風暴3》中飾演角色Elaine!

 媽咪雪梨就表示啊女徐頴堃嘅表現尚算唔錯:「不失不過啦,因為佢做戲方面冇咁多經驗,我會同佢溝通多啲,同佢分享自己嘅經驗,希望佢吸收多啲。」

徐頴堃爸爸媽媽同姨媽都係香港膾炙人口嘅演員,姨媽仲係藝人米雪,徐頴堃係正宗嘅星二代,亦都會為佢帶嚟唔少壓力!

徐頴堃話:「我覺得最大壓力就係我孭住星二代呢個名去拍攝,我好擔心,我做得唔好,或者人哋因為我家庭背景而覺得有唔同,亦因此無論我做得幾努力,有D人都覺得我冇做過啲咩,只係靠屋企。我相信總有人睇到我嘅努力,我會繼續努力做好自己,我希望可以為我屋企爭光。」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *