TVB處境劇《愛回家之開心速遞》自播出以來一直深受大家歡迎，連帶劇中嘅一眾藝人都人氣急升，比如喺劇中飾演「BONNIE」林凱恩同「金城安」周嘉洛。
兩個人嘅感情線可以講係錯綜復雜，最近更大受沖擊，感情深厚嘅兩個人，竟然出現咗「第三者」？
由於飾演「池美麗」嘅鐘凱琪介入，令到金城安同BONNIE嘅感情受到挑戰，不過劇中嘅池美麗希望金城安可以喺佢身邊，於是就絞盡腦汁使用詭計離間佢哋兩個。
不過金城安發現每次同池美麗偷情，女友BONNIE創作靈感都會大增，於是為咗女友能夠有更佳嘅創作，於是就忍辱繼續扮花心男。 
不過另一邊嘅BONNIE就以為男友真係「偷食」，為咗唔失去對方就揀啞忍，卻慢慢變得神經質起身，一時又開心大笑一時又傷心痛哭，令人心痛。當呢集出街之後，唔少觀眾都對林凱恩演出好驚喜，更加大贊佢演技進步唔少。 
對于網民嘅贊賞，林凱恩直言感恩大家嘅支持，都多謝拍乸嘅落力演出，令佢可以更加投入到角色中。
佢話：「導演剪得好好，同其他演員又好有火花，令我投入到BONNIE里面，感受到BONNIE嘅痛，至於點解演到咁神經質，可能我本身都系咁變態嘅人，有朋友講睇到我真人嘅影子，其實主要系編劇寫得好！係平時會發生嘅事，將女仔心入面壓抑嘅嘢寫出嚟。」
1992年出世嘅林凱恩，喺2014年嗰陣畢業于香港城市大學專上學院嘅公關關係及廣告社會科學副學士課程，次年林凱恩為咗能夠一圓阿媽參加選美嘅心愿，佢就參加咗2015年度香港小姐競選，可惜最後遺憾落選，但獲得咗「友誼小姐」嘅獎項。
同大多數藝人一樣，佢喺選美結束之後就進入到TVB，開始發展其演藝事業，參演劇集演出。比如《幕后玩家》、《愛回家之開心速遞》、《降魔的》、《婚姻合伙人》等。
據悉，喺跟住落嚟嘅新劇《她她她的少女時代》、《降魔的2.0》、《愛美麗狂想曲》中林凱恩同樣有份演出，大家不妨一齊拭目以待！
Like MisshkNews Facebook！不出门也能知天下事～
