前港姐因為「樣衰」畀嫌棄,突然消失冇份主持節目

「TVB小花」何泳芍(HONEY)喺2018年參選港姐并晉級成為5強,佢出道以嚟因為其34D「黑色暴乳」艷壓群芳,加埋一身獨特嘅古銅色肌膚而備受關注。

何泳芍唔止主持節目《3日2夜》以三點式上陣「滋潤」宅男,舊年開始更加成為「是非精」加入《學是學非》成為主持之一,令其人氣急升。

但有網民發現何泳芍喺第21集《學是學非》之後,到而家1個月都未見佢嘅蹤影,而主持節目《#後生仔傾吓偈》嘅KOL陳欣茵喺第22集開始,每集都有現身。

何泳芍突然畀消失,有傳因為有TVB高層以佢「樣衰」為由要飛佢出局,高層落旨不得不從,何泳芍唔單止《學是學非》慘被飛,更有指唔少節目監制都唔敢用佢。

今日何泳芍喺IG曬出一張行山相,見到佢獨自面對海闊天空,唔知係咪回應有關報道,更有網民留言:「最後一集《學是學非》見唔到你😭,其他全部都在,唔洗驚仲有好多fans撐你的🙌」。

何泳芍今日回覆傳媒時表示未聽過有關傳聞,指自己一直有工開,但未有正面回應畀飛出《學是學非》呢件事。

除咗陳欣茵「踩過界」主持《學是學非》之外,《#後生仔傾吓偈》嘅主持「波波」黃凱儀同杜穎珊都畀重用,會一齊加入《姊妹淘》。

Like MisshkNews Facebook!不出门也能知天下事~

發佈回覆

你的電郵地址並不會被公開。