前港姐外游曬性感泳相,處女劇就擔任第二女主角

2018年香港小姐冠軍陳曉華(Hera)呢排飛去土耳其旅游,連日嚟喺社交平台曬咗好多靚相,當中有騷白滑長腿同曬玉背,睇到網友直言流曬鼻血。

日前陳曉華喺社交平台傳咗一張白色泳衣,浸喺水中做拉筋動作嘅相,姿態優美,散發健康性感,陳曉華直言任何時候喺任何地方佢都可以拉筋,有網民留言封佢做「拉筋女神」!

陳曉華參選港姐之後,馬上獲TVB簽約做親生女,首次拍劇就被安排喺《網絡騙案》飾演第二女主角,戲份好重。

第一次拍戲陳曉華直言非常緊張,加埋佢喺劇中嘅角色係女警,所以動作場面好多,對佢嚟講好有挑戰性,拍攝嘅時候更加係多次NG,好在有劇組同事現場指導,順利完成拍攝工作!

發表回覆

你的電郵地址並不會被公開。 必要欄位標記為 *