應屆港姐冠軍宋宛穎大起底,撞樣雷莊兒

日前,現年22歲嘅宋宛穎過關闖將順利成為香港小姐冠軍,繼媽咪文寶雪成為1990年澳門小姐亞軍之后,家族再一次有人喺選美比賽攞到獎。

選美結束之後,TVB馬不停蹄去宋宛穎屋企做家訪,一班親戚也迎接宋宛穎凱旋歸來。

宋宛穎外婆喜上眉梢,大數家族威水史,原來除咗文寶雪、宋宛穎兩母女之外,宋宛穎媽咪一輩亦有人贏過選美冠軍,外婆一輩亦有人贏過加拿大小姐同舊金山小姐。

另外,宋宛穎同時亦係名校高材生,畢業于多倫多大學嘅生物化學及人類生物學,佢曾經表示過,除咗做香港小姐,另一個夢想係成為一位醫生。

宋宛穎係中葡混血兒,當記者傾到佢老竇嗰陣,佢坦言自己係單親家庭,好細個嗰陣,佢哋已經分開咗,所以我都唔係好清楚,而且我同佢冇聯絡,大約十幾歲嗰陣已經好少聯系。

不過,亦有網民表示宋宛穎五官輪廓同2017年港姐冠軍雷莊兒(Juliette)好似樣,同樣係眼大大,鼻高高,嘴偏大,面型亦較長。

講到雷莊兒,其實佢卸任港姐之后,就冇繼續簽約TVB,反而返加拿大發展。佢曾經表示喺香港生活唔開心,寧愿喺加拿大過寫意生活。

Like MisshkNews Facebook!不出门也能知天下事~

發佈回覆

你的電郵地址並不會被公開。