歷代港姐大進化,「TVB宅男女神」包你認唔到!

一年一度嘅香港小姐競選又到啦,面試佳麗有各式各樣裝扮,欺文、野性、騎呢乜都齊,不如一齊回顧一下歷代港姐面試,有啲真係十年如一日,有啲就愈大愈「進化」,真係女大十八變。

蔡思貝喺2013年港姐競選獲得亞軍,當年佢以一身古銅健康膚色面試,喱士背心玩透視誘惑,黑bra若隱若現,成功吸引鏡頭搶晒Fo!

之後蔡思貝一直keep住清爽短髮look,係少數短髮嘅「TVB小花」,佢曾經被網民指同網絡紅人達哥撞樣,亦有人話佢似日本萬人迷木村拓哉,女生男相絕對係靚女!

作為2013年港姐冠軍嘅陳凱琳就完全冇變過,由細靚到大,五官輪廓勁標誌。

唔怪得陳凱琳咁快就畀鄭嘉穎mark實,結婚之後火速生咗囝囝鄭承悅(Rafael)。

陳凱琳依家又佗緊第二胎,影大肚相一啲水腫現象都冇,零走樣係正宗靚阿媽!

朱智賢喺2013年參選過港姐,當年樣貌稍為平凡,經過多年來鑽研化妝技術,依家鼻高、面尖、眼窩深,成功進化。

朱智賢憑32C、23、35火辣身材喺TVB旅遊節目《3日2夜》成功跑出,成功上位成為小花之際,竟然被爆搭上人夫黎振燁,所有工作被叫停,復出無期。

曾經同許雅婷、袁紫僑及溫心組成組合少女標本嘅簡淑兒,其實佢參選過2012年港姐競選,可惜最終落選港姐。

睇番簡淑兒面試同依家個樣,可以話判若兩人,以前未見招牌腰果眼,依家對眼好似識笑,真係女大十八變,越變越靚女!

Like MisshkNews Facebook!不出门也能知天下事~

發佈回覆

你的電郵地址並不會被公開。