盤點《倚天屠龍記》5位張無忌男演員，其中一位畀金庸嗌名力贊

TVB近期熱播內地版《倚天屠龍記》，回想金庸先生生前住嘅15部膾炙人口小說，多年嚟有唔少畀翻拍成影視作品，過去五十幾年，《倚天屠龍記》電影版翻拍過3次，而電視版拍過8次。當中更有一位演員畀金庸力贊系心目中嘅張無忌。

1、新版《倚天屠龍記》：曾舜晞

21歲曾舜晞成為新一代張無忌更令大眾熱議不絕，4年前系組合Fresh極客少年團成員。

不過佢只逗留咗短短一年就離隊單飛，而佢演出電視同電影經驗唔多，所以有網友指佢演技一般般。

2、風度翩翩：梁朝偉

1986年，無線第二代《倚天屠龍記》由梁朝偉飾演張無忌，黎美嫻飾演趙敏，鄧萃雯飾演周芷若。

梁朝偉當年飾演張無忌得24歲，喺觀眾心目中都好高分，話佢將張無忌嗰種優柔寡斷演得好到位，只系當年有觀眾覺得佢矮小，形象唔高大。

3、超齡版：吳啟華

吳啟華飾演張無忌時已經36歲，個樣好老積，身邊嘅女主角比佢更搶鏡，所以都有觀眾認為呢部翻拍主角系女藝員，而吳啟華只系配角。

4、金庸心中嘅張無忌：鄭少秋

金庸筆下嘅武俠小說多次畀改編成電視劇同電影，其中鄭少秋曾經飾演1978年第一版《倚天屠龍記》嘅張無忌同《書劍恩仇錄》嘅陳家洛，當年佢更獲金庸大贊系自己心目中嘅張無忌。

金庸曾經題字贊秋官：熒屏俠士，颯颯英風，家洛無忌，入人夢中。

5、最可愛嘅張無忌：蘇有朋

歌手出道嘅蘇有朋，喺2003年電視劇版《倚天屠龍記》出演過張無忌呢個角色，普遍人話呢版本嘅張無忌比較接近原著。

除咗蘇有朋之外，演員陣容都系好強大，有張國立、張鐵林、王剛、賈靜雯、高圓圓等實力派演員。