等咗9年先出街,觀眾卻對劇情希望越大失望越大

自從《法證先鋒IV》上禮拜出街以來,首集收視高達33點,有超過215萬觀眾收睇,打破咗8年首播最高嘅收視紀錄,雖然首播收視高,但其實都係全靠前幾部嘅情懷,劇集一出街馬上引起唔少人失望。

TVB不嬲采用嘅都係暖色調,畫面比較偏黃,畀人一種生活氣息覺得好親近,但喺《法證先鋒IV》中改成咗冷色調,主要以藍綠色調呈現,唔似TVB劇集失去港劇風味。

《法證先鋒IV》劇情節奏過快,前一分鐘死人下一分鐘就有證據,然後就發現疑兇,完全失去咗調查嘅過程。

《法證先鋒IV》比起前幾部,算係大投資大制作,引入咗好多高科技嘅檢測儀器。每一個主角配角都靠儀器,失去咗個人推理、思考過程,相當無聊。

劇中每一個角色嘅出場時并無特別介紹,譚俊彥、朱晨麗到達犯罪現場只係佩戴證件,冇表面身份。

加埋人物性格唔鮮明,導致好多觀眾睇完前兩集仲未記得主角嘅名,更加唔使講厘清男、女主角以及第二男、女主角,完全冇代入感覺。

Like MisshkNews Facebook!不出门也能知天下事~

One Comment on “等咗9年先出街,觀眾卻對劇情希望越大失望越大”

發表回覆

你的電郵地址並不會被公開。